Danyel 9:12 - Labib An Kreol Seselwa

¹² Bondye in akonpli sa ki i ti dir kont nou e kont bann sef ki gouvern nou; i'n anvoy lo nou, dan Zerizalenm, sa pli gran maler ki pa'n zanmen deza arive anba lesyel.

Danyel 9:12 ပူးပေါင်းရင်းမြစ်များ

1 Rwa 3:9

Donn mwan, SENYER, disernman neseser pour gouvern ou pep, pour mwan disern sa ki bon ek sa ki move. Lekel ki kapab gouvern ou gran pep!”

2 Rwa 22:16

La sa ki SENYER i deklare: Mon pe anvoy maler lo sa landrwa e lo son bann zabitan; konmsa, tou sa ki lerwa Zida in lir dan sa liv in ganny akonpli.

Liv Zob 12:17

I fer bann dimoun enportan mars pyeni; i fer bann ziz divage.

Psonm 148:11

bann lerwa lo later e tou bann pep, bann sef e tou bann dirizan lo later!

Psonm 2:10

Bann lerwa! Azir avek lasazes. Bann dirizan later! Ekout sa lavertisman.

Proverb 8:16

Gras a mwan, bann dirizan, ensi ki bann ziz bann sef i gouvernen.

Ezai 43:28

Alor, mon'n dezonor bann sef ki ti dan sanktyer. Mon'n livre Zakob pour li ganny detri konpletman e Izrael pou fini dan laont.

Ezai 44:26

Mon fer realize parol mon serviter e fer arive sa ki mon bann mesaze i anonse. Mon dir lo size Zerizalenm: I pou ganny abite. Konsernan bann lavil dan Zida: Zot ava ganny rekonstri e remet an valer sa ki'n ganny devaste.

Zeremi 30:7

Maler! En zour terib pe vini; en zour ki ou pa kapab konpare. I en letan detres pour Zakob! Me i pou ganny delivre.

Zeremi 32:23

Zot ti vin dan sa pei ki zot ti pran posesyon. Me zot pa ti ekout ou lavwa, ni obei ou komannman; zot pa ti viv dapre ou lalwa; zot pa ti fer nanryen sa ki ou ti'n ordonn zot fer. Pour sa rezon ki ou ti fer tou sa bann maler tonm lo zot.

Zeremi 39:16

Al anmenn sa mesaz kot Ebed-Melek, sa Etyopyen: La sa ki SENYER liniver, Bondye Izrael i deklare: Parey mon ti dir, mon pe anmenn maler e non pa prosperite lo Zerizalenm. Sa pou arive devan ou.

Zeremi 44:23

La rezon akoz maler in tonm lo zot ozordi: Zot in ofer lansan an loner lezot bondye, zot in rann zot koupab anver SENYER; zot pa'n ekout li, zot pa'n swiv ni son lansennyman, ni son komannman, ni son bann konsey.”

Lamantasyon 1:12

Zot ki pas par la, zot pa konpran ki personn pa'n soufer otan parey mwan? SENYER li menm, ki'n anvoy sa soufrans dan letan son gran lakoler.

Lamantasyon 2:13

Zerizalenm! Ki mon kapab dir dan ou faver? Avek ki mon kapab konpar ou? Ki mon kapab fer pour konsol ou? Zanmen personn in soufer parey ou. Dezas ki ou'n pas ladan i osi gran ki losean. Lekel ki pou kapab geri ou?

Lamantasyon 2:17

Parey i ti'n deside depi byen lontan, SENYER in detri Zerizalenm san pitye. Sa ki i'n fer avek nou i'n fer lennmi rezoui lo ou maler; i'n fer ou bann lennmi vin pli for.

Lamantasyon 4:6

Pese mon pep i pli grav ki pese Sodonm ki ti ganny kraze en sel kou; personn pa ti annan letan pour sov li.

Ezekyel 13:6

Zot vizyon in ganny envante, zot prediksyon i en bann mansonz. Zot dir: SENYER in deklare, kan SENYER pa'n anvoy zot e zot ekspekte zot parol realize.

Ezekyel 5:9

Akoz ou bann aksyon degoutan ki ou'n komet, mon pou egzekit kont ou sa ki mon pa'n zanmen fer e ki mon pou zanmen fer.

Danyel 12:1

Dan sa letan, sa gran sef, Mikael, sa enn ki defann ou pep, pou leve. Sa letan pou en letan langwas, ki pa'n zanmen arive depi ki bann nasyon i egziste. Dan sa letan, ou pep pou ganny eparnyen; sa enn ki son non in ganny ekri dan liv, pou ganny eparnyen.

Zoel 2:2

En zour fernwanr ek brouyar, en zour avek nyaz epe ki kouver montanny. En gran larme zensek, nonbre e for, ki nou pa'n zanmen war, pe vini. Zanmen en keksoz parey in deza arive, e i pa pou zanmen ariv ankor dan lavenir.

Amos 3:2

Parmi tou bann nasyon ki peple later, ou ki mon'n swazir. Pour sa rezon, mon pou fer ou rann kont tou ou bann krim.

Zakari 1:6

Sepandan mon bann parol, mon bann desizyon ki mon ti'n donn mon bann serviter, bann profet, pa i'n ariv ziska kot zot bann zanset? Alor, zot ti repanti e zot ti dir: SENYER liniver in deside tret nou dapre nou mannyer viv e nou mannyer fer.

Zakari 1:8

Dan lannwit, mon ti war en zonm pe mont lo en seval rouz! I ti'n arete dan en vale parmi bann pye dibwa. Deryer li, ti annan bann seval kouler rouz, bren e blan.

Zakari 7:12

Zot ti andirsi zot leker parey granit, pour zot pa ekout lalwa e bann parol ki SENYER liniver ti anvoye par son souf, par lentermedyer bann ansyen profet. Sa ti fer SENYER liniver pran en gran lakoler.

Matye 24:21

Annefe, sa pou en letan gran soufrans, pli terib ki'n deza arive depi konmansman lemonn ziska konmela, i ki pa pou zanmen ariv ankor.

Matye 5:18

Mon dir zot, sa i laverite: Osi lontan ki lesyel ek later i egziste, pa menm en pli pti let, ni en pli pti detay Lalwa pou ganny detri, ziska ki tou sa bann lansennyman i ganny akonpli.

Mark 13:19

Annefe, sa pou en letan gran soufrans, ki pa'n zanmen annan depi ki Bondye ti kree lemonn ziska konmela e ki pa pou zanmen ariv ankor.

Levanzil dapre Lik 21:22

Sa pou bann zour vanzans, pour ki tou sa ki'n ekri, i ganny akonpli.

Romen 15:8

Annefe, mon dir zot ki Kris in fer li serviter bann Zwif pour akonplir bann promes ki Bondye i'n fer avek zot bann zanset, bann patriars. Ensi, in montre ki Bondye i fidel.