Danyel 9:11 - Labib An Kreol Seselwa

¹¹ Izrael antye in pas akote ou lalwa e i'n detournen san ekout ou parol. Alor, bann malediksyon ki asosye avek bann serman dan lalwa Moiz, serviter Bondye, in ganny deverse lo nou, akoz nou bann pese.

Danyel 9:11 ပူးပေါင်းရင်းမြစ်များ

2 Rwa 18:12

Tousala, ti arive akoz Izrael pa ti obei SENYER zot Bondye, e zot ti kas son lalyans. Zot pa ti ni obei, ni met an pratik bann komannman ki SENYER ti'n ordonn Moiz, serviter SENYER.

2 Rwa 22:16

La sa ki SENYER i deklare: Mon pe anvoy maler lo sa landrwa e lo son bann zabitan; konmsa, tou sa ki lerwa Zida in lir dan sa liv in ganny akonpli.

Ezai 1:3

En bef i konn son met, en bourik i konn manzwar kot son met i donn li manze; me Izrael pa konn mwan; mon pep pa konpran.

Ezai 43:28

Alor, mon'n dezonor bann sef ki ti dan sanktyer. Mon'n livre Zakob pour li ganny detri konpletman e Izrael pou fini dan laont.

Zeremi 16:11

Alor ou ava dir zot, la sa ki SENYER i deklare: Sa i akoz zot bann zanset in abandonn mwan pour zot al ador e servi bann fo bondye. Zot in abandonn mwan e zot pa'n obei mon komannman.

Zeremi 2:29

Ou napa drwa pour fer mwan okenn repros, akoz ou ki'n revolte kont mwan, SENYER ki deklare.

Zeremi 30:14

Tou ou bann lanmoure in oubliy ou; zot nepli pran ka avek ou. Mon'n atak ou parey en lennmi i fer; mon'n pini ou san pitye, akoz ou bann fot i tre grav e ou'n fer en kantite pese.

Zeremi 32:23

Zot ti vin dan sa pei ki zot ti pran posesyon. Me zot pa ti ekout ou lavwa, ni obei ou komannman; zot pa ti viv dapre ou lalwa; zot pa ti fer nanryen sa ki ou ti'n ordonn zot fer. Pour sa rezon ki ou ti fer tou sa bann maler tonm lo zot.

Zeremi 40:3

La aprezan, in realiz sa ki i ti'n dir i pou fer. Tousala in arive akoz ou pep in komet pese e i pa'n obei SENYER.

Zeremi 44:22

SENYER ti nepli kapab siport zot bann move aksyon e bann pratik degoutan ki fer onte; pour sa rezon, zot pei in vin en ta debri, konpletman devaste, en size malediksyon, san okenn zabitan. Tou dimoun i konn sa.

Zeremi 44:23

La rezon akoz maler in tonm lo zot ozordi: Zot in ofer lansan an loner lezot bondye, zot in rann zot koupab anver SENYER; zot pa'n ekout li, zot pa'n swiv ni son lansennyman, ni son komannman, ni son bann konsey.”

Zeremi 6:19

Tou bann pep lo later! Ekoute: La mon pe anvoy maler lo sa pep, rezilta zot prop manigans, akoz zot in rezet mon lenstriksyon e zot pa'n obei mon komannman.

Zeremi 9:26

Lezip, Zida, Edonm, Amonn, Moab e sa bann ki reste dan dezer ki'n raz zot latet. Bann Izraelit i parey: Zot in ganny sirkonsi, me pa zot leker.

Danyel 9:13

Tou sa bann maler in vin lo nou, parey i'n ganny ekri dan lalwa Moiz. Nou pa'n sipliye pour kalme lakoler SENYER, nou Bondye. Nou pa'n abandonn nou bann fot; nou pa'n swiv ou laverite.

Danyel 9:5

Nou'n komet pese e fer sa ki mal. Nou'n komet bann aksyon move e nou'n revolte. Nou'n abandonn ou bann komannman ek ou bann lalwa.

Zakari 1:6

Sepandan mon bann parol, mon bann desizyon ki mon ti'n donn mon bann serviter, bann profet, pa i'n ariv ziska kot zot bann zanset? Alor, zot ti repanti e zot ti dir: SENYER liniver in deside tret nou dapre nou mannyer viv e nou mannyer fer.

Zakari 7:12

Zot ti andirsi zot leker parey granit, pour zot pa ekout lalwa e bann parol ki SENYER liniver ti anvoye par son souf, par lentermedyer bann ansyen profet. Sa ti fer SENYER liniver pran en gran lakoler.

Zakari 8:13

Parey tribi Zida ek tribi Izrael ti anmenn malediksyon parmi bann nasyon, mon pou sov zot e zot pou anmenn benediksyon. Pa per! Pran kouraz!

Deterononm 8:20

Zot pou disparet parey bann nasyon ki SENYER pou detri devan ou, akoz zot pa'n obei lavwa SENYER, ou Bondye.