Danyel 8:4 - Labib An Kreol Seselwa

⁴ Mon ti war sa mouton mal donn koud korn dan direksyon Was, Nor e Sid. Okenn zannimo pa ti kapab reziste son lafors, e personn pa ti kapab ganny delivre anba son pouvwar. I ti fer sa ki i ti oule e i ti vin pli pwisan.

Danyel 8:4 ပူးပေါင်းရင်းမြစ်များ

1 Rwa 22:11

Sedesyas, garson Kenaana, ki fabrik korn an fer ti dir, “La parol ki SENYER i deklare: Avek sa, ou ava atak bann Siriyen ziska ki ou detri zot.”

Liv Zob 10:7

Me ou konnen ki mon pa koupab, e ki personn pa kapab aras mwan dan ou lanmen.

Psonm 44:5

Par ou, nou repous nou bann lennmi. Par ou, nou kraz bann ki atak nou.

Psonm 50:22

Zot ki'n oubliy Bondye! Fer byen atansyon. Otreman, mon pou desir zot e personn pa pour vin delivre zot.

Psonm 7:2

avan ki zot desir mwan parey en lyon e trenn mwan avek zot, san ki personn i sov mwan.

Ezekyel 34:21

Akoz zot in pouse e bouskile avek zot kote ek zot zepol, e tap koudkorn bann ki feb ziska ki zot in ganny disperse partou deor,

Danyel 11:16

Sa enn ki pou vin kont li pou fer sa ki fer li plezir; personn pa pou kapab opoz li. I pou enstal li dan sa pli zoli pei e i pou masakre tou sa ki dan son semen.

Danyel 11:36

Sa lerwa pou fer sa ki i anvi. I pou ranpli avek lorgey e i pou plas li par lao tou bondye. I pou koz parol blasfenm kont Bondye ki par lao tou bondye. I pou reisi ziska ki lakoler Bondye i aparet. Bondye pou realiz sa ki i'n deside.

Danyel 5:19

Akoz sa grander ki Bondye ti'n donn li, tou pep, nasyon tou pei, ki koz diferan langaz, ti tranble devan li. I ti touy sa ki i ti anvi, e les viv sa ki i ti anvi. I ti donn loner sa ki i ti anvi e abes bann ki i ti anvi abese.

Danyel 5:30

Pandan sa lannwit ki ti swiv, Baltazar, lerwa Babilonn ti ganny touye.

Danyel 7:5

Apre, ti annan en dezyenm bebet. I ti parey en lours. I ti kabann lo en kote; i ti annan trwa kot dan son lagel, ant son bann ledan. I ti ganny dir: Leve, devor bokou laser!

Danyel 8:7

Mon ti war li atak sa mouton mal. I ti ankoler kont li e i ti tap sa mouton mal avek vyolans e kas son de korn, san ki sa mouton ti annan lafors pour reziste. I ti zet li ater e pil lo li. Personn pa ti kapab sov sa mouton mal, anba pouvwar sa bouk.

Mise 5:8

Alor, parmi bann nasyon nonbre, leres desandan Zakob, pou koman en lyon parmi bann zannimo lafore, parey en zenn lyon dan en troupo mouton. Partou kot i pase, i kraz e desir son bann viktim, san ki personn i kapab vin delivre zot.

Deterononm 33:17

I parey son toro premye ne ki donn li laglwar. Son bann korn i parey korn en bef sovaz. I bat lepep avek, partou, lo later antye. Sanmenm sa bann milyon pour Efraim sanmenm sa bann milye pour Manase.