Danyel 8:26 - Labib An Kreol Seselwa

²⁶ Sa vizyon ki konsern bann swar ek maten, i serten. Me ou, gard sa vizyon sekre, akoz i konsern en lepok lwen dan lavenir.

Danyel 8:26 ပူးပေါင်းရင်းမြစ်များ

Ezai 24:22

Zot pou ganny atase ansanm parey prizonnyen dan en lafos; zot pou ganny anfermen dan en prizon e en bon pe letan apre, zot ava ganny pini.

Ezekyel 12:27

Ou ki en imen, ekout sa ki pep Izrael i dir: Vizyon ki ou gannyen pou pran bokou letan pour realize; sa bann profesi i pour en lepok bokou plitar.

Danyel 10:1

Dan trwazyenm lannen Siris, lerwa Lapers, en mesaz ti ganny revele avek Danyel, ki zot ti osi apel Beltasar. Sa mesaz ti vre! Pou annan en gran konba. Danyel ti resevwar sa mesaz e i ti konpran sa vizyon.

Danyel 10:14

Aprezan, mon'n vini pour fer ou konpran sa ki pou arive avek ou pep dan lavenir, akoz i annan ankor en vizyon pour sa bann zour.

Danyel 11:2

Aprezan, sa ki mon pou anons ou i laverite. Ankor trwa lerwa pou leve dan Lapers. Katriyenm lerwa pou vin pli ris ki lezot avan. Par son larises, i pou vin for e i pou fer tou pour atak rwayonm Lagres.

Danyel 12:4

Me ou, Danyel, gard sekre sa bann parol e kaste sa liv ziska letan lafen. Dan sa lepok, bokou pou esey konpran e zot konnesans pou ogmante.

Danyel 12:9

I ti dir mwan, “Kontinyen, Danyel, akoz sa bann parol pou reste sekre, kaste, ziska letan lafen.

Revelasyon 10:4

Kan sa set loraz ti'n fini fer tande zot lavwa, mon ti pe al ekri. Me mon ti antann en lot lavwa sorti dan lesyel ki ti dir mwan: Gard sekre mesaz sa set loraz; pa bezwen ekri.

Revelasyon 22:10

I ti azoute: Pa gard sekre parol profesi ki dan sa liv, akoz letan pour tousala arive i pros.