Danyel 8:25 - Labib An Kreol Seselwa

²⁵ Par riz, i pou reisi tronp bokou. Leker ranpli avek larogans, i pou touy bokou dimoun ki ti krwar zot an sekirite. I pou dres li kont lerwa tou bann lerwa. Me i pou ganny detri, san okenn lentervansyon imen.

Danyel 8:25 ပူးပေါင်းရင်းမြစ်များ

Liv Zob 34:20

Zot mor dan en pti moman. Dan milye lannwit, en pep i ganny sekwe e i disparet. Bann diktater i ganny tire san led zonm.

Zeremi 48:26

Moab ti krwar ki i pli gran ki mwan, SENYER i deklare. Fer li bwar ziska i sou, e les li debat dan son vomi. Konmsa, tou dimoun ava mepriz li.

Lamantasyon 4:6

Pese mon pep i pli grav ki pese Sodonm ki ti ganny kraze en sel kou; personn pa ti annan letan pour sov li.

Danyel 11:12

Avek son laviktwar lo sa gran larme, leker lerwa Sid pou ranpli avek lorgey. I pou touy plizyer milye gerye, me son laviktwar pa pou dire.

Danyel 11:45

I pou enstal son bann latant rwayal ant lanmer ek sa zoli montanny, montanny sen. I pou trouv son lafen san ki personn i vin sekour li.

Danyel 7:26

Apre sa, pou ariv ler zizman. I pou ganny arase son pouvwar. I pou ganny konpletman detri e i pou disparet.

Danyel 7:8

Pandan ki mon ti pe egzamin sa bann korn, en pti korn ti pouse parmi lezot pour fer plas pour sa pti korn, trwa parmi lezot korn ti ganny arase. Lo sa korn ti annan lizye, parey lizye imen e en labous ki ti koz avek larogans.

Danyel 8:11

I ti al atak sef larme lesyel; i ti fer arete sakrifis tou le zour e rann enpir son sanktyer.

Danyel 9:25

Pran kont alor, e konpran: Apartir sa lord pour retabli e rekonstri Zerizalenm, ziska konsekrasyon en sef, ou ava kont set semenn. Pandan 62 semenn, lavil ek son miray pou ganny rekonstri, me dan en letan difisil.

Akt de Zapot 12:23

Me dan sa menm moman, en lanz Senyer ti frap Herod, akoz i pa ti rann Bondye loner ki i merite. Lever ti devor li e i ti mor.

2 Tesalonisyen 2:3

Pa les personn tronp zot dan okenn fason. Sa zour pa pou arive avan ki sa gran revolt kont Bondye i arive e sa gran rebel i ganny revele. Avan ki sa lennmi ki'n ganny destinen pour destriksyon, i aparet.

2 Tesalonisyen 2:8

Alor, sa pwisans move pou aparet. Senyer Zezi pou touy li par souf sorti dan son labous. I pou detri li par manifestasyon son retour.

Revelasyon 17:14

Zot pou konbat kont Zenn Mouton; me Zenn Mouton ki pou ganny laviktwar lo zot, akoz i Senyer tou senyer e Lerwa tou lerwa. I pou ganny laviktwar ansanm avek bann ki'n ganny apele, ki'n ganny swazir e ki fidel.

Revelasyon 19:16

Lo son rob e lo son kwis, en non in ganny enskri: Lerwa tou bann lerwa, Senyer tou bann senyer.