Danyel 8:24 - Labib An Kreol Seselwa

²⁴ Son pwisans pou kontinyen ogmante, me pa par son prop lafors. I pou lakoz bokou destriksyon. I pou reisi dan tou sa ki i antreprann. I pou detri bann pwisan ek pep Bondye.

Danyel 8:24 ပူးပေါင်းရင်းမြစ်များ

Psonm 37:35

Mon'n war move dimoun vin pwisan e devlope parey en pye sed Liban.

Danyel 11:23

Par bann lalyans ki i'n fer, avek tronpri e avek led en pti group dimoun, i pou vin pwisan.

Danyel 12:7

Sa zonm abiye dan lenz linenn, ki ti par lao larivyer, ti lev son de lanmen ver lesyel. Mon ti antann li fer en serman par sa Enn ki vivan pour touzour. I ti dir, “Pour en lannen, de lannen e lanmwatye lannen. Kan lafors sa pep sen ava'n konpletman fini, tou sa bann keksoz pou ganny akonpli.”

Danyel 7:25

I pou koz kont Bondye Toupwisan. I pou fer soufer bann sen ki pour Bondye Toupwisan, I pou esey sanz bann zour lafet ek lalwa. Bann sen pou ganny livre dan son lanmen pandan en lannen, de lannen, e lanmwatye en lannen.

Danyel 8:10

I ti dres li kont larme lesyel. I ti zet ater en parti larme ek bann zetwal e i ti pil lo zot.

Danyel 8:11

I ti al atak sef larme lesyel; i ti fer arete sakrifis tou le zour e rann enpir son sanktyer.

Danyel 8:12

Larme lesyel ti ganny livre, ansanm avek bann sakrifis akoz bann transgresyon. Sa korn ti zet laverite ater e i ti reisi dan tou sa ki i ti antreprann.

Danyel 8:23

Alafen zot renny, kan pese ava'n tous son pli o nivo, en lerwa arogan e rize pou leve.

Revelasyon 16:6

Annefe, dimoun in vers disan ou bann sen ek ou bann profet, e ou, ou'n donn zot disan pour bwar. Zot in ganny sa ki zot merite.

Revelasyon 17:17

Annefe, Bondye in plas dan zot leker son lavolonte pour akonpli son plan. Zot pou pas zot pouvwar avek sa bebet ziska ki Parol Bondye i ganny akonpli.

Revelasyon 17:6

Mon ti war ki sa fanm ti sou avek disan bann pep ki pour Bondye e avek disan bann martir pour Zezi. Kan mon ti war li, mon ti bokou etonnen.

Revelasyon 19:2

Son zizman i vre e zis! I'n ziz sa gran prostitye ki'n ranpli later avek koripsyon ek son prostitisyon. Bondye in vanz disan son bann serviter ki zot i'n touye.