Danyel 8:2 - Labib An Kreol Seselwa

² Dan sa vizyon, mon ti war mwan dan lavil Siz, ki dan provens Elanm, obor larivyer Oulai.

Danyel 8:2 ပူးပေါင်းရင်းမြစ်များ

Zenez 10:22

Bann garson Senm: Elanm, Asour, Arpaksad, Loud ek Aranm.

Zenez 14:1

Dan sa lepok, Anmrafel, lerwa Sinear, Aryok, lerwa Elasar, Kedorlaomer, lerwa Elanm, ek Tidal, lerwa Goim

Nehemi 1:1

Parol Nehemi, garson Hakalya. Pandan mwan Kislev, dan ventyenm lannen, letan ki mon ti Siz, lavil kapital,

Ester 1:2

Dan sa lepok, lerwa Zerzes ti renny lo son tronn rwayal dan Siz, son kapital.

Ester 2:8

Alor, kan lord ek desizyon lerwa ti'n ganny pibliye, en kantite zenn fiy ti'n ganny rasanble dan Siz, lavil kapital, anba lotorite Hegai. Ester osi ti ganny anmennen dan pale lerwa anba sirveyans Hegai ki ti ansarz bann fanm.

Ester 3:15

Bann mesaze ti al toudswit, lo lord lerwa. Dekre ti ganny pibliye dan Siz, lavil kapital. Lerwa avek Haman ti asize pour bwar, tandis ki lavil Siz ti dan boulvers.

Ester 7:6

Ester ti reponn, “Sa ladverser, sa lennmi, se Haman, sa move zonm!” Haman ti konmans tranble devan lerwa ek larenn.

Ester 8:15

Mardose ti sorti devan lerwa abiye dan labi rwayal kouler ble e blan avek en gro kouronn annor, en gran manto an linenn fen, kouler rouz fonse. Dan lavil Siz, ti annan tapaz ek selebrasyon.

Ester 9:11

Son menm zour, lakantite dimoun ki ti ganny touye dan lavil kapital Siz, ti ganny raporte avek lerwa.

Ester 9:15

Bann Zwif ki ti dan Siz ti rasanble osi dan katorzyenm zour dan mwan Adar. Zot ti touy 300 zonm dan Siz; me zot pa ti fer piyaz.

Ezai 11:11

Sa zour, SENYER pou lev son lanmen ankor en fwa pour li liber restan son pep; bann ki ti Asiri, Lezip, Patros, Kous, bann ki dan Elanm, Sinear, Hamat e bann ki reste lo bann zil lanmer.

Ezai 21:2

Mon'n ganny en vizyon terib: Tret i trai, destrikter i detri. Elanm! Monte e Med atake. Mon pe met en lafen avek tou bann soufrans.

Zeremi 25:25

tou bann lerwa Zimri, Elanm ek Med;

Ezekyel 1:1

Dan senkyenm zour, katriyenm mwan, trantyenm lannen, mon ti parmi bann egzile lo bor larivyer Kebar. Mon ti war lesyel ouver e mon ti war bann vizyon sorti kot Bondye.

Ezekyel 32:24

Lerwa Elanm i la, avek tou son larme otour son latonm. Zot tou, bann ensirkonsi, ki'n ganny masakre dan lager, zot ki ti ravaz later bann vivan, aprezan zot la, kouver avek laont, ansanm avek tou sa ki'n desann dan lemonn lanmor.

Danyel 10:4

Vennkatriyenm zour, premye mwan, mon ti pe debout lo bor gran larivyer Tig.

Danyel 7:15

Mwan, Danyel, mon ti bokou trouble. Mon lespri ti tourmante par sa bann vizyon.

Danyel 7:2

Mwan, Danyel, dan mon vizyon, dan lannwit, mon ti war sa kat divan dan lesyel pe azit sa gran lanmer.

Danyel 8:1

Dan trwazyenm lannen renny Lerwa Baltazar, mwan, Danyel, mon ti ganny ankor en vizyon.

Danyel 8:3

Mon ti lev mon lizye e mon ti war en mouton mal lo bor larivyer. I ti annan de gran korn. Tou le de korn ti long, me sa korn ki ti pous an dernyen, ti pli long ki lot.

Nonm 12:6

I ti dir zot: Ekout byen mon parol! Ler i annan en profet parmi zot, mwan SENYER, mon revel mwan avek li dan en vizyon; mon koz avek li dan en rev.

Ebre 1:1

Dan lepase, Bondye in koz avek nou bann zanset dan plizyer diferan mannyer, atraver bann profet.

Revelasyon 9:17

Dan mon vizyon, la ki mannyer mon ti war bann seval avek zot bann kavalye: Bann kavalye ti port lenz lager kouler rouz koman dife, ble koman pyer safir, e zonn koman souf. Latet bann seval ti koman latet lyon. Dife, lafimen ek souf ti sorti dan zot labous.