Danyel 8:14 - Labib An Kreol Seselwa

¹⁴ I ti dir mwan, “Ziska ki 2,300 swar ek maten in pase; apre sa, sanktyer pou reganny konsakre.”

Danyel 8:14 ပူးပေါင်းရင်းမြစ်များ

Zenez 1:5

Bondye ti apel lalimyer lizour, e fernwanr aswar. Aswar ti fer e apre, lizour ti arive. Sa ti premye zour.

Ezai 1:27

Zerizalenm pou ganny sove par lazistis. Son bann zabitan ki repanti, pou ganny sove par lazistis.

Ezai 45:25

Tou bann desandan Izrael ava ganny zistifye e zot ava met zot konfyans dan SENYER.

Danyel 12:11

Depi letan ki sakrifis tou le zour i ganny aboli, pour ki sa pratik degoutan i ganny etabli, pou annan 1,290 zour.

Danyel 12:12

Byennere sa bann ki persevere e ariv ziska 1,335 zour.

Danyel 12:7

Sa zonm abiye dan lenz linenn, ki ti par lao larivyer, ti lev son de lanmen ver lesyel. Mon ti antann li fer en serman par sa Enn ki vivan pour touzour. I ti dir, “Pour en lannen, de lannen e lanmwatye lannen. Kan lafors sa pep sen ava'n konpletman fini, tou sa bann keksoz pou ganny akonpli.”

Danyel 7:25

I pou koz kont Bondye Toupwisan. I pou fer soufer bann sen ki pour Bondye Toupwisan, I pou esey sanz bann zour lafet ek lalwa. Bann sen pou ganny livre dan son lanmen pandan en lannen, de lannen, e lanmwatye en lannen.

Danyel 8:26

Sa vizyon ki konsern bann swar ek maten, i serten. Me ou, gard sa vizyon sekre, akoz i konsern en lepok lwen dan lavenir.

Galat 3:8

Lekritir ti'n prevwar ki Bondye pou zistifye bann non-Zwif akoz zot lafwa. Alor, i ti davans anons Abrahanm sa Bonn Nouvel kan i ti deklare: Tou bann nasyon pou ganny beni atraver ou.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 12:14

Me sa fanm ti ganny sa de lezel en gran leg. I ti anvole ziska dan sa landrwa rezerve pour li dan dezer. La, i ti ganny nouri pandan 3 an edmi, lwen avek latak sa serpan.

Revelasyon 13:5

Sa bebet ti ganny en labous pour li kapab pronons bann parol arogan, e blasfenm Bondye. I ti ganny lotorite pour egzers son pouvwar pandan 42 mwan.