Danyel 8:11 - Labib An Kreol Seselwa

¹¹ I ti al atak sef larme lesyel; i ti fer arete sakrifis tou le zour e rann enpir son sanktyer.

Danyel 8:11 ပူးပေါင်းရင်းမြစ်များ

Ezai 37:23

Lekel ki ou'n ensilte e meprize? Kont lekel ou'n lev ou lavwa e lev en regar ensolan? Kont Bondye sen Izrael!

Ezai 37:29

Ou'n pran lakoler kont mwan e ou bann parol larogans in ariv ziska mon zorey. Mon pou met en lanmson dan ou nennen e en mor dan ou labous e mon pou fer ou retourn kot ou sorti.

Zeremi 48:26

Moab ti krwar ki i pli gran ki mwan, SENYER i deklare. Fer li bwar ziska i sou, e les li debat dan son vomi. Konmsa, tou dimoun ava mepriz li.

Zeremi 48:42

Akoz i ti plas li par lao SENYER, Moab pou ganny detri. I pou nepli menm egziste koman en pep.

Ezekyel 46:14

Tou le bomaten, zot ava osi ofer SENYER senk kilo lafarin melanze avek de lit delwil. Sa bann regleman pour lofrann tou le zour i valab pour touzour.

Danyel 11:22

Tou troup larme pou ganny detri devan li; sef lalyans osi.

Danyel 11:31

Bann troup anba son komann, pou antre e rann enpir sanktyer ek son fortifikasyon. Zot pou fer arete bann sakrifis ofer sak zour e etabli en pratik degoutan.

Danyel 12:11

Depi letan ki sakrifis tou le zour i ganny aboli, pour ki sa pratik degoutan i ganny etabli, pou annan 1,290 zour.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Danyel 7:25

I pou koz kont Bondye Toupwisan. I pou fer soufer bann sen ki pour Bondye Toupwisan, I pou esey sanz bann zour lafet ek lalwa. Bann sen pou ganny livre dan son lanmen pandan en lannen, de lannen, e lanmwatye en lannen.

Danyel 8:12

Larme lesyel ti ganny livre, ansanm avek bann sakrifis akoz bann transgresyon. Sa korn ti zet laverite ater e i ti reisi dan tou sa ki i ti antreprann.

Danyel 8:24

Son pwisans pou kontinyen ogmante, me pa par son prop lafors. I pou lakoz bokou destriksyon. I pou reisi dan tou sa ki i antreprann. I pou detri bann pwisan ek pep Bondye.

Danyel 8:25

Par riz, i pou reisi tronp bokou. Leker ranpli avek larogans, i pou touy bokou dimoun ki ti krwar zot an sekirite. I pou dres li kont lerwa tou bann lerwa. Me i pou ganny detri, san okenn lentervansyon imen.

Danyel 9:25

Pran kont alor, e konpran: Apartir sa lord pour retabli e rekonstri Zerizalenm, ziska konsekrasyon en sef, ou ava kont set semenn. Pandan 62 semenn, lavil ek son miray pou ganny rekonstri, me dan en letan difisil.

Nonm 28:3

Ou ava dir zot: La bann lofrann ki zot ava prezant devan SENYER: Tou le zour, de zenn mouton mal, aze enn e an san defo, koman en sakrifis konplet.

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

2 Tesalonisyen 2:4

Li menm sa lennmi ki pou kont tou sa ki zonm i adore, e ki'n ganny konsakre pour Bondye. I pou menm enstal li dan Tanp Bondye e fer li pas pour Bondye.

Ebre 2:10

Annefe, Bondye, pour ki e par ki tou keksoz i egziste, in rann Zezi parfe atraver son soufrans. Par son soufrans, Zezi in fer bokou son bann zanfan partisip dan son laglwar. Li menm ki'n sov zot.

Revelasyon 17:14

Zot pou konbat kont Zenn Mouton; me Zenn Mouton ki pou ganny laviktwar lo zot, akoz i Senyer tou senyer e Lerwa tou lerwa. I pou ganny laviktwar ansanm avek bann ki'n ganny apele, ki'n ganny swazir e ki fidel.