Danyel 7:27 - Labib An Kreol Seselwa

²⁷ Rwayote, pouvwar ek grander dan tou bann rwayonm anba lesyel pou ganny donnen dan lanmen pep sen ki pour Bondye Toupwisan. Sa rwayonm pou dire pour touzour, e tou bann pwisans pou servi e obeir li.

Danyel 7:27 ပူးပေါင်းရင်းမြစ်များ

Psonm 145:13

Ou renny pa pou zanmen fini e ou pouvwar i dire pour touzour. SENYER i tenir tou son promes. I montre son labonte dan tou sa ki i fer.

Psonm 22:27

Later antye, ava mazin SENYER. Zabitan later ava retourn ver li. Tou bann fanmir bann pep ava ador li.

Psonm 72:11

Tou bann lerwa ava prostern devan li e tou bann nasyon ava servi li.

Psonm 86:9

Tou bann nasyon ki ou'n kree pou prosternen devan ou, SENYER e zot ava rann glwar ou non.

Ezai 14:2

Lezot pep etranze ava akey Izrael, pour anmenn li dan son pei. La, lo later ki pou SENYER, pep Izrael pou fer zot vin son lesklav, zonm koman fanm. Izrael pou fer prizonnyen sa bann menm dimoun ki ti'n anmenn li an kaptivite; i pou domin sa bann ki ti kraz li.

Ezai 54:3

Annefe, ou pou grandi dan tou direksyon: Adrwat, agos e ou bann desandan pou pran posesyon teritwar bann nasyon vwazen e zot ava peple bann lavil abandonnen.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Danyel 6:26

Mon ordonnen ki partou dan mon rwayonm, tou dimoun i montre respe ek loner anver Bondye Danyel. Annefe, Bondye i vivan e i viv pour touzour! Son rwayonm pa pou zanmen ganny detri! Son dominasyon pou reste ziska lafen.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Danyel 7:18

Me bann sen ki devan Bondye Toupwisan pou resevwar sa rwayonm e zot pou posed rwayote pour touzour e touzour.

Danyel 7:22

ziska ki sa vyeyar ti vin rann lazistis an faver bann sen ki pour Bondye Toupwisan. Letan ti'n arive pour donn bann sen pouvwar rwayal.

Abdyas 1:21

Bann liberater i mont montanny Siyon pour ziz montanny Edonm; SENYER ki pou rennyen lo sa rwayonm.

Zakari 14:9

Alor, SENYER ava vin lerwa partou lo later. Sa zour, zis SENYER ki pou ganny adore koman Bondye.

Levanzil dapre Lik 1:33

I pou renny lo tou desandan Zakob pour touzour, e son renny pa pou zanmen fini.”

Levanzil dapre Zan 12:34

Lafoul dimoun ti reponn li, “Nou'n aprann dan Lalwa ki Mesi pou viv pour touzour. Alor, ki mannyer ou kapab dir fodre ki Fis-de-Lonm i ganny eleve? Lekel sa Fis-de-Lonm?”

1 Korentyen 15:24

Apre sa, lafen tou keksoz pou arive, kan i pou remet larwayote dan lanmen Bondye, son Papa, apre ki i'n detri tou lotorite, tou pouvwar ek tou pwisans.

Revelasyon 11:1

Apre, zot ti donn mwan en baton ki servi pour mezire, e zot ti dir mwan: Leve! Al mezir Tanp Bondye ek lotel. Kont osi sa bann ki vin adore dan Tanp.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 17:14

Zot pou konbat kont Zenn Mouton; me Zenn Mouton ki pou ganny laviktwar lo zot, akoz i Senyer tou senyer e Lerwa tou lerwa. I pou ganny laviktwar ansanm avek bann ki'n ganny apele, ki'n ganny swazir e ki fidel.

Revelasyon 19:16

Lo son rob e lo son kwis, en non in ganny enskri: Lerwa tou bann lerwa, Senyer tou bann senyer.

Revelasyon 20:4

Apre, mon ti war bann tronn. Sa bann ki ti pe asize lo tronn ti'n ganny pouvwar pou zize. Mon ti osi war bann ki ti'n ganny egzekite akoz temwannyaz Zezi ek Parol Bondye. Zot pa ti'n ador sa bebet ni son zimaz, e zot pa ti'n resevwar mark sa bebet lo zot fron, ni lo zot lanmen. Zot ti resisite e renny avek Kris pandan 1,000 an.

Revelasyon 22:5

Pou nepli annan lannwit. Zot pou nepli bezwen ni lalimyer en lalanp, ni lalimyer soley, akoz Senyer Bondye pou vin zot lalimyer. Zot pou renny pour touzour.