Danyel 7:26 - Labib An Kreol Seselwa

²⁶ Apre sa, pou ariv ler zizman. I pou ganny arase son pouvwar. I pou ganny konpletman detri e i pou disparet.

Danyel 7:26 ပူးပေါင်းရင်းမြစ်များ

Danyel 11:45

I pou enstal son bann latant rwayal ant lanmer ek sa zoli montanny, montanny sen. I pou trouv son lafen san ki personn i vin sekour li.

Danyel 7:22

ziska ki sa vyeyar ti vin rann lazistis an faver bann sen ki pour Bondye Toupwisan. Letan ti'n arive pour donn bann sen pouvwar rwayal.

2 Tesalonisyen 2:8

Alor, sa pwisans move pou aparet. Senyer Zezi pou touy li par souf sorti dan son labous. I pou detri li par manifestasyon son retour.

Revelasyon 11:13

Pandan sa menm moman, ti annan en gran tranblemandter, e en dizyenm parti lavil ti tonbe. 7,000 dimoun ti mor. Bann sirvivan ti ranpli avek lafreyer e zot ti rann glwar Bondye ki dan lesyel.

Revelasyon 17:14

Zot pou konbat kont Zenn Mouton; me Zenn Mouton ki pou ganny laviktwar lo zot, akoz i Senyer tou senyer e Lerwa tou lerwa. I pou ganny laviktwar ansanm avek bann ki'n ganny apele, ki'n ganny swazir e ki fidel.

Revelasyon 19:2

Son zizman i vre e zis! I'n ziz sa gran prostitye ki'n ranpli later avek koripsyon ek son prostitisyon. Bondye in vanz disan son bann serviter ki zot i'n touye.