Danyel 7:24 - Labib An Kreol Seselwa

²⁴ Sa dis korn, i dis lerwa ki pou leve dan sa rwayonm. En lot lerwa pou leve apre zot. I pou diferan avek sa bann avan, e i pou fer tonbe trwa lerwa.

Danyel 7:24 ပူးပေါင်းရင်းမြစ်များ

Danyel 11:36

Sa lerwa pou fer sa ki i anvi. I pou ranpli avek lorgey e i pou plas li par lao tou bondye. I pou koz parol blasfenm kont Bondye ki par lao tou bondye. I pou reisi ziska ki lakoler Bondye i aparet. Bondye pou realiz sa ki i'n deside.

Danyel 2:41

Parey ou ti war son lipye ek son bann pous an parti later en potye e an parti an fer, sa rwayonm pou divize; me i pou an parti for koman fer, parey ou ti war fer melanze avek later.

Danyel 7:20

Mon ti osi anvi leksplikasyon konsernan sa dis korn lo son latet, sa lot korn ki ti'n pouse, e sa trwa korn ki ti tonbe devan li; sa korn ki ti annan lizye e en labous ki ti koz avek larogans e ki ti paret pli for ki lezot.

Danyel 7:23

I ti dir mwan: Sa katriyenm bebet, i en katriyenm rwayonm lo later. I pou diferan avek tou lezot rwayonm. I pou devor tou, kraz tou e kas an morso tou sa ki lo later.

Revelasyon 12:3

Answit, en lot siny ti aparet dan lesyel: En gro dragon, rouz koman dife, ki ti annan set latet ek dis korn. Lo sak latet ti annan en kouronn.

Revelasyon 13:1

Apre sa, mon ti war en bebet ki ti monte sorti dan lanmer. I ti annan dis korn ek set latet. Lo sak korn, ti annan en kouronn e lo sa bann latet, ti annan bann non blasfenm kont Bondye.

Revelasyon 17:3

Alor, mon ti ganny transporte par Lespri dan en landrwa dezer. Mon ti war en fanm pe asize lo en bebet kouler rouz, kouver avek bann non blasfenm. Sa bebet ti annan set latet ek dis korn.