Danyel 7:20 - Labib An Kreol Seselwa

²⁰ Mon ti osi anvi leksplikasyon konsernan sa dis korn lo son latet, sa lot korn ki ti'n pouse, e sa trwa korn ki ti tonbe devan li; sa korn ki ti annan lizye e en labous ki ti koz avek larogans e ki ti paret pli for ki lezot.

Danyel 7:20 ပူးပေါင်းရင်းမြစ်များ

Danyel 7:11

Mon ti kontinyen regarde, akoz sa bann parol arogan ki sa korn ti dir. Letan mon ti pe regarde, sa bebet ti ganny touye. Son lekor ti ganny detri e i ti ganny zete dan dife pour brile.

Danyel 7:19

Alor, mon ti anvi ganny leksplikasyon lo sa katriyenm bebet ki ti diferan avek lezot e pli terib, ki ti annan ledan an fer ek grif an bronz. I ti devor e kraz an morso son viktim e pil lo tou sa ki ti reste.

Danyel 7:21

Mon ti war sa korn deklar lager kont bann sen e ti pe ganny laviktwar lo zot,

Danyel 7:23

I ti dir mwan: Sa katriyenm bebet, i en katriyenm rwayonm lo later. I pou diferan avek tou lezot rwayonm. I pou devor tou, kraz tou e kas an morso tou sa ki lo later.

Danyel 7:7

Apre sa, mon ti kontinyen regard tou sa ki ti dan mon vizyon dan lannwit. Mon ti war en katriyenm bebet. I ti terib e fer per. I ti annan en lafors ekstraordiner. I ti annan bann gran ledan an fer e i ti pe devor tou, kas tou an morso, e kraz anba son lipye tou sa ki reste. I ti diferan avek lezot bebet avan li. I ti annan dis korn.

Danyel 7:8

Pandan ki mon ti pe egzamin sa bann korn, en pti korn ti pouse parmi lezot pour fer plas pour sa pti korn, trwa parmi lezot korn ti ganny arase. Lo sa korn ti annan lizye, parey lizye imen e en labous ki ti koz avek larogans.

Revelasyon 12:3

Answit, en lot siny ti aparet dan lesyel: En gro dragon, rouz koman dife, ki ti annan set latet ek dis korn. Lo sak latet ti annan en kouronn.