Danyel 7:2 - Labib An Kreol Seselwa

² Mwan, Danyel, dan mon vizyon, dan lannwit, mon ti war sa kat divan dan lesyel pe azit sa gran lanmer.

Danyel 7:2 ပူးပေါင်းရင်းမြစ်များ

Ezai 17:12

Maler! Tapaz en gran kantite dimoun i parey loraz. Tapaz ki zot fer i parey ronfleman lanmer.

Zeremi 49:36

Mon pou fer divan sorti dan kat kwen lesyel, soufle lo Elanm; mon pou dispers son pep partou, ziska ki ava napa okenn pei, kot zot pa'n al rod refiz.

Zeremi 51:42

Lanmer in anvai Babilonn; gro laroul in vin kouver Babilonn.

Danyel 11:4

Letan in byen etabli li, son rwayonm pou ganny kase e divize ver kat kwen later; me pa son bann garson ki pou vin lerwa. Zot pa pou pwisan parey li. Son rwayonm pou ganny derasinen e ganny pase avek en lot.

Danyel 2:19

Sa menm swar, sa rev mister ti ganny revele avek Danyel dan en vizyon. Danyel ti remersye Bondye ki dan lesyel.

Danyel 7:13

Dan mon bann vizyon pandan lannwit, mon ti war arive avek bann nyaz dan lesyel, enn ki ti resanble en zonm. I ti apros ver sa Vyeyar; zot ti anmenn li dan son prezans.

Danyel 7:7

Apre sa, mon ti kontinyen regard tou sa ki ti dan mon vizyon dan lannwit. Mon ti war en katriyenm bebet. I ti terib e fer per. I ti annan en lafors ekstraordiner. I ti annan bann gran ledan an fer e i ti pe devor tou, kas tou an morso, e kraz anba son lipye tou sa ki reste. I ti diferan avek lezot bebet avan li. I ti annan dis korn.

Danyel 8:2

Dan sa vizyon, mon ti war mwan dan lavil Siz, ki dan provens Elanm, obor larivyer Oulai.

Danyel 8:8

Sa bouk ti vin tre gran. Me, letan i ti'n vin vreman for, son gran korn ti kase. Kat korn remarkab ti pouse dan son plas, dan direksyon kat divan.

Zakari 6:5

Lanz ti reponn mwan, “Sa i kat divan dan lesyel ki sorti dan prezans SENYER later antye.

Matye 24:31

I pou anvoy son bann lanz avek en gran tronpet. Zot ava rasanble bann ki'n ganny swazir dan kat kwen later, depi en bout ziska lot.”

Revelasyon 17:15

Lanz ti dir mwan ankor: Losean kot ou ti war sa fanm prostitye pe asiz lo la, se bann pep, bann lafoul dimoun, bann nasyon ek bann lalang.

Revelasyon 7:1

Apre sa, mon ti war kat lanz pe debout dan kat kwen later. Zot ti pe tenir sa kat divan, pour ki okenn pa soufle, ni lo later, ni lo lanmer, ni lo okenn pye dibwa.