Danyel 7:18 - Labib An Kreol Seselwa

¹⁸ Me bann sen ki devan Bondye Toupwisan pou resevwar sa rwayonm e zot pou posed rwayote pour touzour e touzour.

Danyel 7:18 ပူးပေါင်းရင်းမြစ်များ

Psonm 45:16

Bann garson lerwa pou okip tronn ou bann zanset. Ou pou fer zot vin bann sef lo later.

Psonm 49:14

Parey mouton, zot ganny destinen pour lanmor. Lanmor i zot berze. Zot desann drwat dan latonm. Apre sa, dimoun ki zis, i kraz zot anba lipye; zot perdi zot laform. Lemonn lanmor i vin zot demer.

Ezai 14:2

Lezot pep etranze ava akey Izrael, pour anmenn li dan son pei. La, lo later ki pou SENYER, pep Izrael pou fer zot vin son lesklav, zonm koman fanm. Izrael pou fer prizonnyen sa bann menm dimoun ki ti'n anmenn li an kaptivite; i pou domin sa bann ki ti kraz li.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Danyel 7:17

Sa kat gro bebet, i kat lerwa ki pou leve lo later.

Danyel 7:22

ziska ki sa vyeyar ti vin rann lazistis an faver bann sen ki pour Bondye Toupwisan. Letan ti'n arive pour donn bann sen pouvwar rwayal.

Danyel 7:25

I pou koz kont Bondye Toupwisan. I pou fer soufer bann sen ki pour Bondye Toupwisan, I pou esey sanz bann zour lafet ek lalwa. Bann sen pou ganny livre dan son lanmen pandan en lannen, de lannen, e lanmwatye en lannen.

Danyel 7:27

Rwayote, pouvwar ek grander dan tou bann rwayonm anba lesyel pou ganny donnen dan lanmen pep sen ki pour Bondye Toupwisan. Sa rwayonm pou dire pour touzour, e tou bann pwisans pou servi e obeir li.

Abdyas 1:17

Lo montanny Siyon bann sirvivan pou trouv en labri. Desandan Zakob pou repran posesyon zot pei.

Levanzil dapre Lik 1:33

I pou renny lo tou desandan Zakob pour touzour, e son renny pa pou zanmen fini.”

1 Korentyen 6:2

Eski ou pa konnen ki pep Bondye ki pou ziz lemonn? Si lemonn pou ganny zize par zot, eski zot pa kapab ziz bann zafer mwen enportan?

Efezyen 1:3

Nou loue Bondye, Papa nou Senyer Zezi-Kri. Ini avek Kris, i'n beni nou par akord nou toudsort benediksyon spirityel dan lesyel.

Efezyen 6:12

Annefe, nou pa pe lit kont dimoun, me kont pouvwar bann move lespri dan lemonn, bann lotorite, ek pouvwar dan lemonn teneb dan sa letan ki nou pe viv ladan.

Revelasyon 20:4

Apre, mon ti war bann tronn. Sa bann ki ti pe asize lo tronn ti'n ganny pouvwar pou zize. Mon ti osi war bann ki ti'n ganny egzekite akoz temwannyaz Zezi ek Parol Bondye. Zot pa ti'n ador sa bebet ni son zimaz, e zot pa ti'n resevwar mark sa bebet lo zot fron, ni lo zot lanmen. Zot ti resisite e renny avek Kris pandan 1,000 an.

Revelasyon 22:5

Pou nepli annan lannwit. Zot pou nepli bezwen ni lalimyer en lalanp, ni lalimyer soley, akoz Senyer Bondye pou vin zot lalimyer. Zot pou renny pour touzour.

Revelasyon 3:21

Sa enn ki ganny laviktwar, mon pou met li asiz avek mwan lo mon tronn, parey mwan mon'n ganny laviktwar e mon'n asiz avek mon Papa lo son tronn.

Revelasyon 5:10

Ou'n fer zot vin en rwayonm pret pour servi non Bondye, e zot pou rennyen lo later.