Danyel 7:14 - Labib An Kreol Seselwa

¹⁴ I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Danyel 7:14 ပူးပေါင်းရင်းမြစ်များ

Psonm 102:22

La, tou bann pep e tou bann rwayonm ava rasanble pour zot ador SENYER.

Psonm 103:19

SENYER in etabli son tronn dan lesyel i renny lo later antye.

Psonm 145:13

Ou renny pa pou zanmen fini e ou pouvwar i dire pour touzour. SENYER i tenir tou son promes. I montre son labonte dan tou sa ki i fer.

Psonm 146:10

SENYER pou renny pour touzour; ou Bondye, Siyon, en zenerasyon a en lot. Loue SENYER!

Psonm 45:6

Pei ki Bondye in donn ou pou gouvernen, pou egziste pour touzour. Ou baton rwayal i en baton ladrwatir.

Psonm 72:11

Tou bann lerwa ava prostern devan li e tou bann nasyon ava servi li.

Psonm 72:17

Son non ava ganny selebre pour touzour; son repitasyon ava dire pour touzour e bann pep ava pronons son non pour zot beni kanmarad. Tou bann nasyon i deklar li byennere!

Psonm 8:6

Ou'n donn li dominasyon lo tou sa ki ou'n kree. Ou'n met tou anba son kontrol:

Ezai 16:5

Alor, par ou fidelite, en tronn pou ganny etabli. Parmi desandan David, en dirizan pou leve ki pou gouvern avek lazistis e avek ladrwatir.

Ezai 60:12

Sa nasyon ek sa rwayonm ki pa aksepte servi ou, pou ganny detri. Sa bann nasyon pou konpletman disparet.

Ezai 9:6

En zanfan in ne pour nou; nou'n ganny en garson. Lotorite i repoz lo son zepol. Zot apel li: Konseye merveye, Bondye pwisan, Papa eternel, Prens Lape.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Danyel 2:35

Alor, fer, later, bronz, larzan ek lor, ti ganny kraze e vin lapousyer. Zot ti anvole parey lapay, ler ou bat dible. Divan ti balye zot san kit okenn latras. Me sa ros ki ti tap sa stati ti vin en gran montanny ki ti ranpli later antye.

Danyel 2:37

Mazeste! Ou lerwa tou lerwa, akoz Bondye dan lesyel in donn ou rwayonm, pouvwar, pwisans ek laglwar.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Danyel 3:4

Portparol lerwa ti kriy byen for: Tou bann pep, sorti dan tou nasyon, e ki koz diferan langaz, ekout sa lord:

Danyel 4:3

Son bann mirak i gran! Son bann mervey i pwisan! Son rwayonm i eternel! Son renny i dire pour touzour dan tou zenerasyon!

Danyel 6:26

Mon ordonnen ki partou dan mon rwayonm, tou dimoun i montre respe ek loner anver Bondye Danyel. Annefe, Bondye i vivan e i viv pour touzour! Son rwayonm pa pou zanmen ganny detri! Son dominasyon pou reste ziska lafen.

Danyel 7:18

Me bann sen ki devan Bondye Toupwisan pou resevwar sa rwayonm e zot pou posed rwayote pour touzour e touzour.

Danyel 7:27

Rwayote, pouvwar ek grander dan tou bann rwayonm anba lesyel pou ganny donnen dan lanmen pep sen ki pour Bondye Toupwisan. Sa rwayonm pou dire pour touzour, e tou bann pwisans pou servi e obeir li.

Abdyas 1:21

Bann liberater i mont montanny Siyon pour ziz montanny Edonm; SENYER ki pou rennyen lo sa rwayonm.

Mise 4:7

Avek sa bann ki bwete, mon pou fer en restan; avek bann ki ti'n ganny rezete, mon pou fer en nasyon for. Alor, SENYER pou vin zot lerwa pour touzour.

Matye 11:27

Mon Papa in donn mwan tou keksoz. Personn pa konn son Garson, eksepte son Papa, e personn pa konn son Papa, eksepte son Garson ek bann ki son Garson in swazir pour revel son Papa.

Matye 28:18

Zezi ti apros zot e dir zot, “Mon'n ganny tou pouvwar dan lesyel ek lo later.

Levanzil dapre Lik 1:33

I pou renny lo tou desandan Zakob pour touzour, e son renny pa pou zanmen fini.”

Levanzil dapre Lik 10:22

Mon Papa in donn mwan tou pouvwar. Personn pa konnen ki son Garson i ete, eksepte son Papa, e personn pa konn mon Papa, eksepte son Garson ek bann ki son Garson in swazir pour revel li.”

Levanzil dapre Zan 12:34

Lafoul dimoun ti reponn li, “Nou'n aprann dan Lalwa ki Mesi pou viv pour touzour. Alor, ki mannyer ou kapab dir fodre ki Fis-de-Lonm i ganny eleve? Lekel sa Fis-de-Lonm?”

Levanzil dapre Zan 3:35

Papa i kontan son Garson e i'n met tou keksoz dan son lanmen.

Ebre 12:28

Alor, akoz nou pe resevwar en rwayonm ki pa kapab ganny sekwe, annou an rekonesans, servi Bondye dan en mannyer ki fer li plezir, avek soumisyon e avek respe.

1 Pyer 3:22

ki'n mont dan lesyel. I'n asiz dan kote drwat Bondye, kot bann lanz ek tou lotorite ek pwisans dan lesyel in ganny soumet avek li.

Revelasyon 1:6

I'n fer nou vin en rwayonm pret pour servi Bondye son Papa. Laglwar, ek pouvwar i pour li pour touzour! Amenn.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 17:14

Zot pou konbat kont Zenn Mouton; me Zenn Mouton ki pou ganny laviktwar lo zot, akoz i Senyer tou senyer e Lerwa tou lerwa. I pou ganny laviktwar ansanm avek bann ki'n ganny apele, ki'n ganny swazir e ki fidel.

Revelasyon 3:21

Sa enn ki ganny laviktwar, mon pou met li asiz avek mwan lo mon tronn, parey mwan mon'n ganny laviktwar e mon'n asiz avek mon Papa lo son tronn.