Danyel 7:13 - Labib An Kreol Seselwa

¹³ Dan mon bann vizyon pandan lannwit, mon ti war arive avek bann nyaz dan lesyel, enn ki ti resanble en zonm. I ti apros ver sa Vyeyar; zot ti anmenn li dan son prezans.

Danyel 7:13 ပူးပေါင်းရင်းမြစ်များ

Psonm 110:2

Depi Siyon, SENYER pou agrandi ou dominasyon. I pou fer ou domin lo ou bann lennmi.

Psonm 2:8

Demann mwan, e mon ava donn ou tou nasyon e later antye ava vin ou propriyete.

Psonm 47:5

Bondye i monte dan milye bann laklamasyon. SENYER i avanse avek lanmizik tronpet.

Zeremi 49:19

Parey en lyon ki sorti dan brousay obor larivyer Zourden pour vin dan laplenn, mon pou vini e fer tou dimoun taye kot zot. Alor, mon pou etabli en sef ki mon ava'n swazir. Lekel ki kapab konpar li avek mwan? Lekel ki pou oze kontredir mwan? Lekel sa berze ki pou kapab opoz mwan?

Ezekyel 1:26

Zis par lao sa twa ki ti lo zot latet, ti annan en lobze parey safir e ki ti resanble en tronn; par lao tronn, ti annan en laform ki ti resanble en imen.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Danyel 7:12

Lezot bebet ti ganny arase zot pouvwar, me zot ti ganny permisyon pour viv ankor en serten letan.

Danyel 7:2

Mwan, Danyel, dan mon vizyon, dan lannwit, mon ti war sa kat divan dan lesyel pe azit sa gran lanmer.

Danyel 7:22

ziska ki sa vyeyar ti vin rann lazistis an faver bann sen ki pour Bondye Toupwisan. Letan ti'n arive pour donn bann sen pouvwar rwayal.

Danyel 7:9

Pandan ki mon ti kontinyen regarde, bann tronn ti ganny enstale. En Vyeyar ti asiz lo tronn. Son lenz ti blan parey lannez, son seve ti parey lalenn pir. Son tronn ti briye avek laflanm, bann larou tronn ti alimen parey dife.

Danyel 8:15

Letan, mwan, Danyel, mon ti war sa vizyon e mon ti esey konpran li, en et parey en zonm ti aparet devan mwan.

Matye 13:41

Fis-de-Lonm pou anvoy son bann lanz dan son Rwayonm pour elimin tou bann ki fer tonm dan lemal e bann ki fer lemal zot menm.

Matye 24:30

Alor, siny Fis-de-Lonm pou aparet dan lesyel. Tou bann pep lo later pou lamante e zot pou war Fis-de-Lonm vini lo nyaz dan lesyel, avek gran pwisans ek gran mazeste.

Matye 25:31

“Kan Fis-de-Lonm pou vini dan son mazeste avek tou son bann lanz, i pou asiz lo son tronn rwayal.

Matye 26:64

Zezi ti reponn li, “Ou menm ki'n dir. Me mon dir zot: Dezormen, zot pou war Fis-de-Lonm asize lo kote drwat Bondye Toupwisan, pe vini lo nyaz dan lesyel.”

Matye 28:18

Zezi ti apros zot e dir zot, “Mon'n ganny tou pouvwar dan lesyel ek lo later.

Matye 8:20

Zezi ti dir li, “Bann renar i annan zot trou, zwazo dan lesyel i annan zot nik, me Fis-de-Lonm napa en landrwa kot i kapab repoz latet.”

Mark 13:26

Alor, zot ava war Fis-de-Lonm vini lo bann nyaz avek gran pwisans, e avek mazeste.

Levanzil dapre Lik 21:27

Alor, zot pou war Fis-de-Lonm vini lo en nyaz avek gran pwisans ek gran mazeste.

Levanzil dapre Lik 21:36

Pandan sa bann zour, veye, pa arete priye. Konmsa, zot ava ganny lafors pour travers tou sa bann keksoz ki pou arive, e reste debout devan Fis-de-Lonm.”

Levanzil dapre Lik 24:27

Alor, konmansan par Moiz ek tou bann profet, Zezi ti eksplik zot sa ki Lekritir in dir lo son size.

Levanzil dapre Zan 12:34

Lafoul dimoun ti reponn li, “Nou'n aprann dan Lalwa ki Mesi pou viv pour touzour. Alor, ki mannyer ou kapab dir fodre ki Fis-de-Lonm i ganny eleve? Lekel sa Fis-de-Lonm?”

Levanzil dapre Zan 3:13

Personn pa'n deza mont dan lesyel, eksepte Fis-de-Lonm ki'n desann sorti dan lesyel.

Levanzil dapre Zan 5:27

I'n donn son Garson drwa pour zize, akoz i Fis-de-Lonm.

Akt de Zapot 7:56

I ti dir, “Mon war lesyel ouver, e Fis-de-Lonm pe debout lo kote drwat Bondye.”

1 Tesalonisyen 4:17

Apre, nou ki ankor vivan, nou pou ganny anleve e rasanble ansanm avek zot dan nyaz, pour rankontre Senyer dan lezer. Konmsa, nou pou touzour avek Senyer.

1 Timote 6:16

I sa sel Bondye imortel. I reste dan lalimyer ki personn pa kapab aprose. Personn pa'n zanmen war li, ni kapab war li. I merit tou loner ek pwisans eternelman. Amenn.

Ebre 2:14

Alor, parey zanfan i annan an komen disan ek laser, Zezi osi, i'n partisip dan menm kondisyon. I'n pran natir imen, pour ki par son lanmor, i detri sa enn ki annan pouvwar donn lanmor, setadir dyab.

Ebre 9:24

Annefe, Kris pa'n antre dan kopi en sanktyer ki'n fer par zonm, me i'n antre dan lesyel menm, pour prezant li menm devan Bondye pour nou.

Revelasyon 1:13

Omilye sa set portlanp, ti annan en personnaz ki ti resanble en zonm. I ti'n met en rob long ki ariv ziska son lipye e en sentir annor otour son leren.

Revelasyon 1:18

sa enn ki vivan. Mon ti'n mor, me la mon vivan pour touzour. Mon posed lakle lanmor ek lakle lemonn lanmor.

Revelasyon 1:7

La i pe vini parmi bann nyaz, e tou dimoun pou war li; menm sa bann ki ti transpers li. Tou bann nasyon lo later pou lamante lo son size. Wi! Amenn.

Revelasyon 14:14

Answit, mon ti war en nyaz blan, e lo sa nyaz ti annan en personnaz ki ti resanble en zonm. I ti annan en kouronn annor lo latet e en fosi byen koupe dan lanmen.