Danyel 6:8 - Labib An Kreol Seselwa

⁸ Aprezan, Mazeste, konfirmen e siny sa lord, pour ki personn pa kapab sanze, dapre lalwa bann Med ek bann Pers, ki pa kapab sanze.

Danyel 6:8 ပူးပေါင်းရင်းမြစ်များ

Ester 1:19

Si sa i paret bon pour ou, Mazeste, lerwa, fer en deklarasyon ki pa kapab sanze, ki ganny ekri dan bann lalwa Medi ek Lapers, ki Vasti napa drwa vin ankor kot lerwa Zerzes, ki lerwa i donn son tit rwayal avek en lot fanm ki pli merite ki li.

Ester 3:12

Trezyenm zour premye mwan, bann sekreter lerwa ti ganny konvoke. Parey sa ki Haman ti'n ordonnen, en lord ti ganny ekri e anvoye kot tou bann reprezantan lerwa e bann gouverner dan tou bann provens e kot tou bann sef parmi lepep, kot sak nasyon dapre son lekritir ek son langaz. Sa lord ti'n ganny ekri e sinyen o non lerwa Zerzes e sele avek stanp lerwa.

Ester 8:10

Bann let ti ganny ekri lo non lerwa Zerzes e sele avek stanp lerwa. Sa bann let ti ganny ekspedye par bann mesaze lo seval deras ki ti ganny sonnyen dan lekiri rwayal.

Ester 8:3

Apre, Ester ti koz ankor avek lerwa. I ti tonm devan li an pleran, e sipliy li pour anpes sa proze ki Haman, sa Agagit ti'n fer kont bann Zwif.

Ester 8:8

Aprezan, o non lerwa, ou kapab ekri sa ki ou oule konsernan bann Zwif, e sel li avek sele rwayal, akoz en lalwa ekri lo non lerwa e sele avek son stanp, pa kapab ganny anile.”

Psonm 94:21

Ki mannyer zot met zot ansanm kont dimoun onnet e kondann anmor en inosan.

Ezai 10:1

Maler lo sa bann ki fer bann regleman enzis, ki fer bann lalwa ki pez lo bann sitwayen.

Danyel 5:28

PERES, savedir divize: Ou rwayonm pou ganny divize e ganny partaze avek bann Med ek bann Pers.

Danyel 6:12

Apre, zot ti al kot lerwa e koz avek li konsernan sa lord rwayal, “Eski pa ou ti siny en lord ki okenn dimoun ki adres lapriyer anver okenn lot bondye, oubyen et imen, apard ou Mazeste, pou ganny zete dan kavern lyon?” Lerwa ti reponn, “Sa i vre, dapre lalwa bann Med ek bann Pers, ki personn pa kapab sanze.”

Danyel 6:15

Bann lennmi Danyel ti al ankor kot lerwa. Zot ti dir li, “Mazeste i konnen ki dapre lalwa bann Med ek Pers, okenn lord e okenn regleman ki lerwa in sinyen, personn pa kapab sanze.”

Matye 24:35

Lesyel ek later pou disparet, me mon parol pa pou disparet.