Danyel 6:4 - Labib An Kreol Seselwa

⁴ Alor, sa bann sef ek bann gouverner ti rod fason pour akiz Danyel lo size zafer leta. Me, zot pa ti trouv nanryen kont li pour kapab akiz li, ni neglizans, ni okenn fot; i ti en zonm konfyans, san defo.

Danyel 6:4 ပူးပေါင်းရင်းမြစ်များ

Zenez 41:38

Faraon ti dir zot, “Eski nou kapab trouv en zonm parey sa enn ki ranpli avek lespri Bondye?”

Zenez 43:18

Ler sa bann zonm ti ganny anmennen dan lakaz Zozef, zot ti per. Zot ti dir, “Akoz sa larzan ki zot ti remet dan nou sak premye fwa, ki nou pe ganny anmennen dan son lakaz. Zot pou profite pour atrap nou e fer nou lesklav ansanm avek nou bann bourik.”

Proverb 29:27

En dimoun enzis i degoutan pour sa enn ki zis; me sa enn ki zis i pas pour degoutan pour sa enn ki enzis.

Eklezyas 4:4

Mon'n war osi ki bann dimoun ki zot aktivite i selman pour reisir e depas lezot. Sa ankor i anven e en lakours deryer divan.

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Zeremi 18:23

SENYER! Ou konn byen tou zot bann konplo pour touy mwan. Pa oubliy zot krim; pa pardonn zot pese. Fer zot tonbe devan ou. Pa les zot sape devan ou lakoler.

Zeremi 20:10

Mon antann dimoun pe dir: Laterer i par tou kote! Denons li! Annou denons li! Tou mon bann zanmi pe espere war mwan tonbe. Zot dir: Si nou esey zwe en trik lo li, alor nou ava pli for ki li e nou ava pran nou revanz lo li.

Zeremi 29:7

Travay pour fer lape dan lavil kot mon'n anvoy zot annegzil. Priy SENYER pour sa lavil, akoz ou boner i depann lo son boner.

Danyel 3:8

Deswit apre, serten Babilonyen ti vin akiz bann Zwif.

Danyel 5:12

akoz dan sa letan, Danyel, ki ti osi apel Beltasar, ti annan en lespri ekstraordiner. I ti annan abilite ek konnesans pour enterpret bann rev, desifre bann kestyon konplike e trouv solisyon bann problenm. Aprezan, fer apel Danyel e i ava donn lenterpretasyon.

Danyel 6:22

Mon Bondye in anvoy son lanz pour ferm lagel bann lyon ki pa'n fer mwan okenn dimal, akoz i'n war mon linosans. Devan ou osi Mazeste, mon pa'n fer nanryen mal.”

Matye 26:4

Ansanm, zot ti deside pour aret Zezi par riz e pour touy li.

Matye 27:18

Annefe, Pilat ti konnen ki lotorite Zwif ti'n livre Zezi dan son lanmen par zalouzi.

Levanzil dapre Lik 20:20

Alor, zot ti sirvey Zezi e anvoy bann espyon kot li. Zot ti fer sanblan zot ti senser, pour zot esey met li dan en pyez par son parol, pour answit livre li avek lotorite ek pouvwar gouverner.

Levanzil dapre Lik 20:26

Zot pa ti kapab may li par parol ki i ti koze devan lepep. Son repons ti etonn zot e zot ti reste trankil.

Levanzil dapre Lik 22:2

Bann gran-pret ek profeser Lalwa, ti pe rod mannyer pour touy Zezi; me zot ti per lepep.

Levanzil dapre Zan 19:4

Pilat ti sorti ankor. I ti dir avek lafoul, “Gete! La mon anmenn li deor, pour zot konpran ki mon pa trouv okenn rezon pour kondann li.”

2 Korentyen 11:12

Mon pou kontinyen fer parey mon pe fer, pour ki personn pa pran sa koman preteks pour vant zot lekor, dizan ki zot travay dan menm kondisyon ki nou.

Filipyen 2:15

Konmsa, zot ava inosan, san repros, bann zanfan Bondye san defo parmi dimoun malonnet e move ki dan sa monn. Zot devre briye parmi sa bann dimoun, parey bann zetwal dan lesyel,

1 Timote 5:14

Pour sa rezon, mon oule ki bann zenn vev zot remarye; ki zot ganny zanfan e pran swen zot lakaz. Konmsa, zot pa ava donn okenn lokazyon nou bann ladverser dir dimal lo nou.

Let Pol pour bann Tit 2:8

Swazir ou bann parol, pour ki personn pa kapab kritike. Konmsa, ladverser ava kanmi akoz i pou napa okenn keksoz mal pour dir lo nou.

1 Pyer 2:12

Kondwir zot byen parmi bann nasyon. Konmsa, menm si sa bann dimoun i dir dimal lo zot e tret zot koman bann malfeter, zot bann bon aksyon ava ganny rekonnet e zot ava rann glwar Bondye zour son zizman.

1 Pyer 3:16

Me fer li avek bonte, respe e avek en bon konsyans. Konmsa, lo sa pwen ki zot ganny akize, sa bann ki dir dimal lo zot bon mannyer viv dan Kris, ava onte.

Ziz 14:4

Son papa ek son manman pa ti konnen ki sa ti sorti kot SENYER. Annefe, i ti pe rod preteks pour li atak bann Filisten. Dan sa letan, bann Filisten ti pe domin Izrael.

1 Samyel 12:4

Zot ti dir, “Ou pa'n fer nou dimal, ou pa'n kraz nou e ou pa'n zanmen pran gous avek personn.”

1 Samyel 18:14

Dan tou son bann misyon, David ti reisi, akoz SENYER ti avek li.

1 Samyel 22:14

Ahimelek ti reponn lerwa. “Lekel parmi tou bann ou serviter ki fidel parey David? I zann lerwa, sef son gard personnel e i ganny respekte dan ou pale.