Danyel 6:27 - Labib An Kreol Seselwa

²⁷ I delivre e i sove. I akonpli bann siny ek mervey dan lesyel e lo later. I'n delivre Danyel dan grif bann lyon.

Danyel 6:27 ပူးပေါင်းရင်းမြစ်များ

Liv Zob 36:15

Me Bondye i servi lasoufrans, pour sov bann ki pe soufer; i fer zot konn lasoufrans pour fer zot konpran.

Psonm 145:13

Ou renny pa pou zanmen fini e ou pouvwar i dire pour touzour. SENYER i tenir tou son promes. I montre son labonte dan tou sa ki i fer.

Psonm 18:48

I delivre mwan kont mon bann lennmi. I donn mwan laviktwar lo sa bann ki atak mwan. I sov mwan kont dimoun ki fer vyolans.

Psonm 18:50

SENYER i donn son lerwa bokou laviktwar. I montre son fidelite anver sa enn ki i'n konsakre, anver David ek son desandans pour touzour.

Psonm 32:7

Ou en labri pour mwan; ou prezerv mwan kont maler. Ou antour mwan avek bann sanson delivrans.

Psonm 35:17

Ankor konbyen letan, SENYER, ou pou zis gete? Delivre mwan kont sa bann malfeter! Aras mwan dan grif sa bann lyon!

Psonm 97:10

Ou ki kontan SENYER! Deteste lemal. I vey lo lavi bann ki obei li; i delivre zot dan lanmen bann malfeter.

Zeremi 10:10

Me SENYER i vreman Bondye; i sa vre Bondye vivan, e lerwa pour touzour. Later i tranble devan son lakoler e bann nasyon i enpwisan.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Danyel 4:31

Sa bann parol ti ankor dan labous lerwa, kan en lavwa sorti dan lesyel ti dir: Lerwa Naboukodonozor, sa bann parol i konsern ou: Ou'n ganny arase ou pouvwar rwayal.

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Danyel 4:35

Tou zabitan later pa vo nanryen devan li. I tret mannyer i anvi bann zabitan lesyel ek later. Personn pa opoz son pwisans; personn pa demann li: Ki ou pe fer.

Danyel 6:20

I ti aprose e avek en lavwa enkyet, i ti kriye, “Danyel, serviter Bondye vivan, eski ou Bondye ki ou servi avek perseverans in kapab delivre ou kont bann lyon?”

Levanzil dapre Zan 4:48

Zezi ti dir li, “Si zot pa war siny ek mirak, zanmen zot pou krwar!”

Akt de Zapot 4:30

Montre pouvwar ou lanmen, pour ki gerizon, siny ek mirak i ganny akonpli lo non Zezi ki ou sen serviter.”

Ebre 2:4

Anmenmtan, Bondye in konfirm sa temwannyaz par bann siny, bann levennman ekstraordiner ek toudsort mirak. I'n osi distribye bann don Lespri Sen dapre son lavolonte.

1 Samyel 17:26

David ti dir avek bann zonm ki avek li, “Ki zot pou fer pour sa enn ki ava touy sa Filisten e tir laont lo Izrael? Lekel li sa Filisten, en non sirkonsi, ki oze provok bann troup Bondye vivan?”