Danyel 6:26 - Labib An Kreol Seselwa

²⁶ Mon ordonnen ki partou dan mon rwayonm, tou dimoun i montre respe ek loner anver Bondye Danyel. Annefe, Bondye i vivan e i viv pour touzour! Son rwayonm pa pou zanmen ganny detri! Son dominasyon pou reste ziska lafen.

Danyel 6:26 ပူးပေါင်းရင်းမြစ်များ

Esdras 1:3

Zot tou ki form parti son pep, Bondye ava avek zot. Mont Zerizalenm, dan Zida e konstri tanp SENYER, Bondye Izrael. Li menm sa Bondye ki dan Zerizalenm.

Esdras 7:21

Mwan, lerwa Artakzerzes, mon donn sa lord tou bann trezorye dan provens lo lot kote Larivyer: Zot ava donn Esdras, pret e ekriven lalwa Bondye lesyel, tou sa ki i demann zot,

Psonm 119:120

Mon lekor i ganny frison akoz respe devan ou. Ou bann desizyon i fer mwan per.

Psonm 146:10

SENYER pou renny pour touzour; ou Bondye, Siyon, en zenerasyon a en lot. Loue SENYER!

Psonm 2:11

Servi SENYER avek respe. Rezoui dan limilite;

Psonm 29:10

SENYER i lo son tronn par lao delo. SENYER i lerwa pour touzour.

Psonm 42:2

Mon swaf pour Bondye, mon Bondye ki vivan. Kan eski mon pou kapab prezant mwan devan ou prezans?

Ezai 66:2

Tou sa ki egziste, se mon lanmen ki'n fer; alor, tousala i pour mwan. Me mon pran pitye pour sa ki malere, sa ki dan dekourazman, sa ki annan gran respe pour mon parol. SENYER ki deklare.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Zeremi 10:10

Me SENYER i vreman Bondye; i sa vre Bondye vivan, e lerwa pour touzour. Later i tranble devan son lakoler e bann nasyon i enpwisan.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Danyel 3:29

Alor, mon ordonn tou bann pep, tou zabitan ki sorti dan diferan pei e ki koz bann diferan langaz: Okenn dimoun ki koz kont Bondye Sadrak, Mesak e Abed-Nego, pou ganny touye e zot lakaz pou ganny detri, akoz napa okenn lot Bondye ki kapab anmenn delivrans parey.”

Danyel 4:3

Son bann mirak i gran! Son bann mervey i pwisan! Son rwayonm i eternel! Son renny i dire pour touzour dan tou zenerasyon!

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Danyel 6:20

I ti aprose e avek en lavwa enkyet, i ti kriye, “Danyel, serviter Bondye vivan, eski ou Bondye ki ou servi avek perseverans in kapab delivre ou kont bann lyon?”

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Danyel 7:27

Rwayote, pouvwar ek grander dan tou bann rwayonm anba lesyel pou ganny donnen dan lanmen pep sen ki pour Bondye Toupwisan. Sa rwayonm pou dire pour touzour, e tou bann pwisans pou servi e obeir li.

Oze 1:10

Pep Izrael pou vin koman disab lo bor lanmer, personn pa pou kapab konte. La kot zot ti dir: Ou pa mon pep! Zot pou ganny dir: Zot zanfan Bondye vivan.

Malasi 3:6

Mwan, SENYER, mon pa sanze. Pour sa rezon ki zot, bann desandans Zakob, ki pa'n ganny eksterminen.

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Levanzil dapre Lik 1:33

I pou renny lo tou desandan Zakob pour touzour, e son renny pa pou zanmen fini.”

Levanzil dapre Lik 12:5

Mon ava montre zot lekel ki zot devre per: Zot devre per sa enn ki kapab touy lekor, e osi annan pouvwar pour zet zot dan lanfer. Mon dir zot: Sanmenm sa enn ki zot devre per.

Akt de Zapot 17:25

I pa bezwen ki zonm i okip li e fer nenport kwa pour li, akoz li menm ki donn tou dimoun lavi, respirasyon ek tou leres.

Romen 9:26

La kot dimoun ti dir: Zot pa mon pep, zot pou ganny apele: Bann zanfan Bondye vivan.

Deterononm 5:26

Annefe, lekel sa zonm parey nou, ki'n antann lavwa Bondye vivan koze depi dan milye dife e ki'n reste vivan?

1 Tesalonisyen 1:9

Dimoun i rakonte ki mannyer zot in akey nou e koman zot in abandonn bann zidol pour servi Bondye ki vivan e vre.

Ebre 12:29

Annefe, nou Bondye i en dife ki devor tou.

Let Zak 1:17

Tou don ekselan, tou kado parfe i sorti lao kot Bondye, Papa tou lalimyer ki pa zanmen sanze. Kot li napa menm lonbraz en sanzman.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 4:10

sa 24 ansyen ti prosternen devan sa enn ki asiz lo tronn e ador sa enn ki vivan eternelman. Zot ti zet zot kouronn devan tronn e sante:

Revelasyon 5:14

Sa kat kreatir vivan ti reponn: Amenn! Bann ansyen ti prosternen e adore.

1 Samyel 17:26

David ti dir avek bann zonm ki avek li, “Ki zot pou fer pour sa enn ki ava touy sa Filisten e tir laont lo Izrael? Lekel li sa Filisten, en non sirkonsi, ki oze provok bann troup Bondye vivan?”

1 Samyel 17:36

Konmsa ki mon'n touy lyon ek lours; sa Filisten sa non sirkonsi pou pas parey enn ant zot, akoz in provok troup Bondye vivan.”