Danyel 6:16 - Labib An Kreol Seselwa

¹⁶ Alor, lerwa ti ordonnen ki zot anmenn Danyel e zet li dan kavern lyon. Lerwa ti dir avek Danyel, “Ou Bondye, ki ou servi avek perseverans ava delivre ou!”

Danyel 6:16 ပူးပေါင်းရင်းမြစ်များ

2 Samyel 3:39

Ozordi, menm mwan, lerwa, mon war bann garson Serouya, tro vyolan. SENYER li menm pou pini bann malfeter pour zot krim!”

Liv Zob 5:19

I pou delivre ou sis fwa dan tourman, e pandan set fwa, i pou eparny ou dan maler.

Proverb 29:25

Lafreyer pour zonm i en move keksoz; me sa enn ki met son konfyans dan SENYER i an sekirite.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Ezai 43:2

Si ou travers lanmer, mon pou avek ou; si ou travers bann gran larivyer, ou pa pou ganny trennen. Si ou mars atraver dife, ou pa pou ganny brile, e bann laflanm pa pou fer ou dimal,

Zeremi 26:14

Kanta mwan, mon lavi i dan zot lanmen. Fer avek mwan sa ki zot krwar i byen e zis.

Zeremi 38:5

Lerwa Sedesyas ti reponn zot, “Fer sa ki zot oule avek li. Lerwa pa kapab fer nanryen kont zot.”

Zeremi 38:6

Alor, zot ti pran Zeremi e zet li dan en sitern sitye dan lakour pale e ki ti pou Malkiya, garson lerwa. Zot ti fil li dan sitern avek en lakord. Ti napa delo dan sa sitern, me labou. Alor Zeremi ti anfonse dan labou.

Zeremi 39:17

Me ler sa zour maler pou arive, mon pou delivre ou. Mon pa pou les ou tonm dan lanmen sa bann dimoun ki ou per.

Danyel 3:15

Aprezan, met zot pare, kan zot antann son tronpet, laflit, sitar, triyang, laarp, tanbour, e tou lezot lenstriman lanmizik, zot ava prosternen pour ador sa stati ki mon'n fer. Si zot pa ador li, zot pou deswit ganny zete dan fourno laflanm dife. Lekel sa bondye ki pou sov zot dan mon lanmen?”

Danyel 3:17

Mazeste! Nou Bondye ki nou servi, i kapab sov nou dan sa fourno laflanm dife, e dan ou lanmen.

Danyel 3:28

Naboukodonozor ti dir, “Beni non Bondye Sadrak, Mesak ek Abed-Nego, ki'n anvoy son lanz pour sov son bann serviter akoz zot annan konfyans dan li. Zot in dezobei lord lerwa e riske zot lavi, plito ki servi e ador en lot bondye apar zot prop Bondye.

Danyel 6:20

I ti aprose e avek en lavwa enkyet, i ti kriye, “Danyel, serviter Bondye vivan, eski ou Bondye ki ou servi avek perseverans in kapab delivre ou kont bann lyon?”

Danyel 6:7

Tou bann sef ou rwayonm, bann administrater, bann gouverner, bann konseye, ek bann zofisye, in tonm dakor pour pibliy sa lord: Okenn dimoun, ki pandan 30 zour, i adres lapriyer anver okenn lot bondye oubyen et imen, apard ou, Mazeste, ava ganny zete dan kavern lyon.

Akt de Zapot 24:27

Alor, de lannen ti pase. Apre, Porsiis Festis ti ranplas Feliks koman Gouverner. Feliks ti oule fer plezir bann Zwif. Se pour sa rezon ki i ti kit Pol dan prizon.

Akt de Zapot 25:11

Si mon koupab, e si mon'n fer okenn keksoz ki merit lanmor, mon pa refize mor. Me si napa nanryen vre dan sa bann lakizasyon kont mwan, alor, personn napa drwa livre mwan dan zot lanmen. Mon fer rapel devan Sezar.”

Akt de Zapot 25:9

Me Festis ti oule fer plezir bann Zwif. Alor i ti demann Pol, “Eski ou dakor pour al Zerizalenm pour ganny zize devan mwan konsernan sa bann lakizasyon?”

Romen 13:3

Annefe, pa dimoun ki fer dibyen, ki devre per bann ziz, me plito bann ki fer sa ki mal. Ou pa oule ganny problenm avek lotorite? Alor, fer sa ki byen e ou ava ganny felisite.

2 Korentyen 1:10

Li menm ki'n delivre nou dan en tel danze lanmor e nou krwar ki i pou delivre nou ankor. Nou'n met nou lespwar dan li.