Danyel 6:13 - Labib An Kreol Seselwa

¹³ Alor, zot ti dir lerwa, “Danyel, enn parmi bann egzile sorti Zida, pa'n pran okenn kont lerwa, ni sa lord ki ou'n sinyen. I pe fer son lapriyer trwa fwa par zour.”

Danyel 6:13 ပူးပေါင်းရင်းမြစ်များ

Ester 3:8

Apre, Haman ti dir lerwa Zerzes, “I annan en serten pep apar, disperse parmi bann pep, dan tou bann provens ou rwayonm. Zot bann lalwa i diferan avek bann lalwa tou lezot pep, e zot pa obei bann lord lerwa. Napa okenn rezon pour lerwa toler sa bann zans.

Danyel 1:6

Parmi sa bann zennzan, ti annan Danyel, Hananya, Misael, ek Azarya. Zot tou, zot ti sorti dan tribi zida.

Danyel 2:25

Deswit, Aryok ti anmenn Danyel devan lerwa. I ti dir li, “Mon'n war parmi bann egzile sorti Zide, en zonm ki kapab donn lerwa lenterpretasyon son rev.”

Danyel 3:11

Sa ki pa prosternen e ki pa ador sa stati, pou ganny zete dan fourno laflanm dife.

Danyel 3:12

I annan serten Zwif ki ou'n apwente pour ladministrasyon provens Babilonn: Sadrak, Mesak ek Abed-Nego ki pa'n respekte lord lerwa. Zot refize servi ou bann bondye e refize ador sa stati annor ki ou'n fer.

Danyel 3:8

Deswit apre, serten Babilonyen ti vin akiz bann Zwif.

Danyel 5:13

Alor, Danyel ti ganny anmennen devan lerwa. Lerwa ti dir li, “Ou menm sa Danyel, enn bann egzile sorti Zida, ki mon papa, lerwa, ti anmennen?

Akt de Zapot 17:7

e Zason in resevwar zot se li. Zot tou zot pe azir kont lalwa lanperer. Zot pe dir ki i annan en lot lerwa ki apel Zezi.

Akt de Zapot 5:29

Pyer avek lezot zapot ti reponn, “Nou devre obei Bondye plito ki zonm.