Danyel 5:21 - Labib An Kreol Seselwa

²¹ I ti ganny sase parmi bann imen e i ti vin parey zannimo. I ti reste parmi bann bourik sovaz; i ti manz zerb parey bef, e son lekor ti ganny tranpe avek laroze lesyel, ziska ki i ti rekonnet ki Bondye Toupwisan ki annan tou pouvwar lo rwayonm imen, e i donn avek ki i anvi.

Danyel 5:21 ပူးပေါင်းရင်းမြစ်များ

Liv Zob 39:5

Lekel ki'n donn bourik sovaz laliberte? Lekel ki'n delarg kabri sovaz?

Ezekyel 17:24

Tou pye dibwa dan lakanpanny pou konnen ki mwan menm SENYER. Mon pou abes bann gran pye dibwa. Mon pou elev bann pti pye dibwa. Mon pou fer sek bann pye dibwa ver e fer bann ki sek fleri. Mwan SENYER ki'n koze, mon pou fer li.

Danyel 4:14

I ti kriy byen for: Koup sa pye dibwa e koup son bann brans, deplim tou son bann fey e fann son bann fri partou. Sas bann zannimo anba li. Fer fannen bann zwazo lo son bann brans.

Danyel 4:17

Sa i desizyon bann lanz, rezolisyon bann sen, pour ki tou bann et vivan i konnen ki Bondye Toupwisan i met tou bann rwayonm imen. I donn larwayote avek sa ki i anvi, e i elev an dernyen parmi bann imen.

Danyel 4:22

Sa pye dibwa se ou, Mazeste, ki'n vin gran e pwisan. Ou pouvwar in ariv ziska lesyel, e ou lotorite ziska dan bout later.

Danyel 4:25

Ou pou ganny sase parmi bann imen, e ou pou viv parmi zannimo sovaz. Ou pou manz zerb parey bef; ou pou ganny kouver avek laroze lesyel. Set lannen pou pase, ziska ki ou aksepte ki Bondye Toupwisan i kontrol tou rwayonm imen e i donn sa ki i anvi.

Danyel 4:26

Lord pour gard tron avek son rasin, savedir ki ou rwayonm pou kontinyen pour ou, ziska ki ou aksepte ki Bondye lesyel i met tou.

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Danyel 4:35

Tou zabitan later pa vo nanryen devan li. I tret mannyer i anvi bann zabitan lesyel ek later. Personn pa opoz son pwisans; personn pa demann li: Ki ou pe fer.

Danyel 4:37

Aprezan mwan, Naboukodonozor, mon loue e mon elev lerwa lesyel! Akoz tou son bann mervey i vre e son bann aksyon i zis. I annan pouvwar abes bann ki ranpli avek lorgey.

Danyel 5:18

Mazeste! Bondye Toupwisan ti fer ou papa Naboukodonozor vin lerwa. I ti donn li grander, loner ek laglwar.