Danyel 5:2 - Labib An Kreol Seselwa

² Anba lefe diven, Baltazar ti donn lord pour anmenn bann istansil annor e annarzan ki son papa Naboukodonozor ti'n pran dan tanp Zerizalenm. I ti servi pour bwar ladan, li avek son bann gran zofisye, son bann fanm, ek son bann menazer.

Danyel 5:2 ပူးပေါင်းရင်းမြစ်များ

2 Samyel 9:7

David ti dir li, “Pa per; mon pou azir bon anver ou akoz ou papa Zonatan, e mon pou rann ou tou later ou papa Sail. An plis, ou pou manz avek mwan tou le zour.”

2 Rwa 24:13

I ti anmenn tou bann trezor ki ti dan tanp SENYER, e tou bann trezor ki ti dan pale lerwa; i ti kraz an morso tou bann resipyan annor ki ti dan tanp SENYER, ki Salomon, lerwa Izrael, ti'n fer, parey SENYER ti'n anonse.

2 Rwa 25:15

Sef gard rwayal ti osi pran bann brazye ek bann kalis. I ti pran tou lobze annor pour sa lor e annarzan pour sa larzan.

2 Kronik 11:20

Apre, Roboanm ti remarye avek Maaka fiy Salomon ki ti ganny: Abiya, Atai, Ziza, ek Selomit.

2 Kronik 15:16

Lerwa Asa ti menm retir dinyite Maaka, son gran manman, koman larenn mer, akoz i ti'n fer en stati degoutan pour Asera. Asa ti detri sa zidol, kraz li, e bril li dan vale Sedron.

2 Kronik 36:10

Dan konmansman lannen, lerwa Naboukodonozor ti anvoy sers Yoyakin pour anmenn li Babilonn avek bann lobze presye dan tanp SENYER. I ti swazir son frer, Sedesyas, koman lerwa lo Zida ek Zerizalenm.

2 Kronik 36:18

I ti pran tou bann lobze dan tanp, gran koman pti, tou bann trezor dan tanp SENYER, trezor lerwa ek trezor son bann zofisye.

Esdras 5:14

Bann lobze annor e annarzan ki ti dan tanp Bondye ki Naboukodonozor ti pran dan tanp Zerizalenm e ki i ti'n anmennen dan tanp Babilonn. Lerwa Siris ti repran tou sa ki ti dan tanp Babilonn, e konfye avek Sesbasar, ki lerwa ti apwente koman gouverner Zide.

Zeremi 27:7

Tou bann nasyon pou servi li, son garson ek son pti zanfan, ziska ler son zour ava vini. Alor, bann nasyon ek bann lerwa pli pwisan ki li pour fer li lesklav.

Zeremi 50:35

Lager kont Babilonn, kont son bann zabitan, son bann sef e son bann saz, SENYER i deklare.

Zeremi 52:19

Sef gard rwayal ti pran bann pti kivet, bol pour bril lansan, lakoup pour tenir disan ki servi pour sakrifis, resipyan pour anmas lasann, portlanp bann bol ki servi pour lansan, e bann bol ki servi pour lofrann diven. I ti pran tou bann lobze annor e annarzan.

Danyel 1:2

SENYER ti livre Yoyakim, lerwa Zida, dan lanmen Naboukodonozor, avek serten bann istansil tanp Bondye. Naboukodonozor ti anmenn sa bann istansil dan pei Sinear e met zot dan lasal trezor son bann bondye.

Danyel 5:11

I annan en zonm dan ou rwayonm ki annan lespri parey lespri bann bondye sen. Dan lepok ou papa, sa zonm ti posed konnesans ek lasazes parey lasazes bann bondye. Ou papa, lerwa Naboukodonozor, ti met li sef bann mazisyen, bann savan, ek bann deviner,

Danyel 5:13

Alor, Danyel ti ganny anmennen devan lerwa. Lerwa ti dir li, “Ou menm sa Danyel, enn bann egzile sorti Zida, ki mon papa, lerwa, ti anmennen?

Danyel 5:18

Mazeste! Bondye Toupwisan ti fer ou papa Naboukodonozor vin lerwa. I ti donn li grander, loner ek laglwar.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Danyel 5:3

Alor, bann serviter ti anmenn sa bann istansil annor e annarzan ki ti'n ganny pran dan tanp, dan lakaz Bondye Zerizalenm. Lerwa, son bann gran zofisye, son bann fanm ek bann menazer, ti bwar ladan.

Danyel 5:30

Pandan sa lannwit ki ti swiv, Baltazar, lerwa Babilonn ti ganny touye.

Danyel 5:4

Zot ti bwar diven e loue bann bondye annor e annarzan, an bronz e an fer, an bwa e an ros.

Nonm 7:79

Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer, tou le de ranpli avek lafarin petri avek delwil pour lofrann;