Danyel 5:13 - Labib An Kreol Seselwa

¹³ Alor, Danyel ti ganny anmennen devan lerwa. Lerwa ti dir li, “Ou menm sa Danyel, enn bann egzile sorti Zida, ki mon papa, lerwa, ti anmennen?

Danyel 5:13 ပူးပေါင်းရင်းမြစ်များ

Esdras 10:16

Bann deporte ti fer parey zot ti'n deside. Zot ti swazir pret Esdras ek bann sef fanmir, dapre klan; tou ti ganny swazir par zot non. Zot ti rasanble premye zour, dan dizyenm mwan, pour egzamin sa problenm.

Esdras 10:7

Zot ti fer sirkil en proklanmasyon atraver Zerizalenm e dan pei Zida, pour demann tou bann ansyen deporte rasanble Zerizalenm.

Esdras 4:1

Bann lennmi Zida ek Benzamen ti tande ki bann ansyen egzile ti pe konstri en tanp pour SENYER, Bondye Izrael.

Esdras 6:16

Pep Izrael, bann pret, bann levit ek leres ki ti sorti annegzil, ti selebre avek bokou lazwa dedikas tanp Bondye.

Danyel 1:1

Dan trwazyenm lannen ki Yoyakim ti lerwa Zida, Naboukodonozor, lerwa Babilonn, ti vin anserkle Zerizalenm.

Danyel 1:2

SENYER ti livre Yoyakim, lerwa Zida, dan lanmen Naboukodonozor, avek serten bann istansil tanp Bondye. Naboukodonozor ti anmenn sa bann istansil dan pei Sinear e met zot dan lasal trezor son bann bondye.

Danyel 1:21

Alor, Danyel ti kontinyen servi lerwa ziska premye lannen lerwa Siris.

Danyel 1:6

Parmi sa bann zennzan, ti annan Danyel, Hananya, Misael, ek Azarya. Zot tou, zot ti sorti dan tribi zida.

Danyel 2:25

Deswit, Aryok ti anmenn Danyel devan lerwa. I ti dir li, “Mon'n war parmi bann egzile sorti Zide, en zonm ki kapab donn lerwa lenterpretasyon son rev.”

Danyel 2:48

Apre, lerwa ti donn Danyel bann gran loner; i ti donn li bokou gro kado, e met li ansarz provens Babilonn antye. I ti fer li sef bann savan dan Babilonn.

Danyel 5:11

I annan en zonm dan ou rwayonm ki annan lespri parey lespri bann bondye sen. Dan lepok ou papa, sa zonm ti posed konnesans ek lasazes parey lasazes bann bondye. Ou papa, lerwa Naboukodonozor, ti met li sef bann mazisyen, bann savan, ek bann deviner,

Danyel 5:14

Mon'n aprann lo ou size, ki lespri bann bondye i dan ou. Ou annan en disernman kler ek lasazes ekstraordiner.

Danyel 5:18

Mazeste! Bondye Toupwisan ti fer ou papa Naboukodonozor vin lerwa. I ti donn li grander, loner ek laglwar.

Danyel 5:2

Anba lefe diven, Baltazar ti donn lord pour anmenn bann istansil annor e annarzan ki son papa Naboukodonozor ti'n pran dan tanp Zerizalenm. I ti servi pour bwar ladan, li avek son bann gran zofisye, son bann fanm, ek son bann menazer.

Danyel 6:13

Alor, zot ti dir lerwa, “Danyel, enn parmi bann egzile sorti Zida, pa'n pran okenn kont lerwa, ni sa lord ki ou'n sinyen. I pe fer son lapriyer trwa fwa par zour.”

Danyel 8:1

Dan trwazyenm lannen renny Lerwa Baltazar, mwan, Danyel, mon ti ganny ankor en vizyon.

Danyel 8:27

Mwan Danyel, mon ti feb e malad pandan plizyer zour. Apre, mon ti leve e repran mon travay kot lerwa. Mon ti reste boulverse akoz sa vizyon; mon pa ti konpran li.

Levanzil dapre Zan 7:1

Apre sa, Zezi ti kontinyen vizit bann landrwa dan Galile. I pa ti oule al dan Zide, akoz bann Zwif ti pe rod en mannyer pour touy li.

Levanzil dapre Zan 7:3

bann frer Zezi ti dir li, “Sorti isi e al dan Zide, pour ki bann disip ki ou annan laba, ava war bann aksyon ki ou fer.