Danyel 4:27 - Labib An Kreol Seselwa

²⁷ Mazeste! Aksepte mon konsey: Ranplas ou bann pese par lazistis e ou bann fot par konpasyon anver bann pov. Petet sa ava prolonz ou trankilite.”

Danyel 4:27 ပူးပေါင်းရင်းမြစ်များ

Zenez 11:4

Apre zot ti dir: Annou konstri en lavil avek en tour ki son latet ava tous lesyel. Konmsa, nou ava vin renonmen e nou pa ava ganny disperse partou lo later.

1 Rwa 21:29

“Eski ou'n war ki mannyer Akab in imilye li devan mwan? Akoz in imilye li devan mwan, mon pa pou fer sa bann maler tonm lo li pandan son vivan; me pandan renny son garson ki mon pou fer maler tonm lo son fanmir.”

Psonm 119:46

Mon pa pou onte fer konnen ou bann lord devan bann lerwa.

Proverb 11:2

Ler lorgey i vini, mepri i akonpanny li; me lasazes i akonpanny dimoun senp.

Proverb 16:6

Lalwayote ek lanmour i pardonn en fot; Sa enn ki annan respe pour SENYER i evit fer sa ki mal.

Proverb 28:13

Sa enn ki kasyet son bann fot pa pou prospere. Me sa enn ki avoue son fot e renonse, pour ganny pardonnen.

Ezai 10:13

Annefe, sa lerwa in dir: Tou sa ki mon'n fer, se par mon lafors ek mon lasazes, akoz mon entelizan. Mon'n tir frontyer ki separ bann nasyon e mon'n sezi bann trezor. Mon'n tir bann lerwa lo zot tronn parey en toro.

Ezai 47:10

Ou annan konfyans dan ou bann move pratik e ou mazinen: Personn pa war mwan. Ou swadizan lasazes ek ou konnesans in anmenn ou lo move semen e ou ti dir dan ou leker: Mwan ki la; napa koman mwan!

Ezai 47:8

Aprezan, zot ki kontan lavi plezir, ekoute! Zot ki pe asiz dan sekirite, ki dir dan zot leker: Mwan ki la; napa koman mwan. Mon pa pou asiz koman en vev, ni konnen ki savedir perdi zanfan.

Zeremi 29:7

Travay pour fer lape dan lavil kot mon'n anvoy zot annegzil. Priy SENYER pour sa lavil, akoz ou boner i depann lo son boner.

Zeremi 38:20

Zeremi ti reponn, “Non, ou pa pou ganny livre avek ou bann prop zanmi. Mon demann ou ekout sa ki mon pe dir ou e ki sorti kot SENYER. Si ou ekout mwan, tou pou al byen e ou ava reste vivan.

Ezekyel 18:7

I pa abiz lo lezot, me i rann sa ki en dimoun in met angaz pour en det. I pa tronp lezot. I donn manze sa enn ki lafen e lenz sa enn ki touni.

Ezekyel 29:3

Dir li: La sa ki Senyer BONDYE i deklare: Mon kont ou, Faraon, lerwa Lezip. Ou parey sa gran krokodil ki dormi dan milye larivyer. I dir: Sa i mon Nil, mon larivyer, mon'n fer li pour mwan.

Ezekyel 29:9

Lezip pou vin en pei devaste, en dezer. A lor, zot ava konnen ki mwan menm SENYER. Akoz ou pe dir: Larivyer Nil i pour mwan, mwan ki'n fer li.

Zoel 2:14

Petet i ava sanz son desizyon, e donn ou son benediksyon! Alor, ofer SENYER, ou Bondye en lofrann dible ek diven.

Amos 6:13

Zot selebre akoz zot laviktwar lo lavil Lodabar, savedir: Pa vo nanryen. Zot dir: Nou ase for pour pran Karnaim, lavil ki reprezant lafors.

Zonas 3:9

Lekel ki konnen! Kekfwa Bondye ava sanz son lide e son lakoler ava arete e nou pa ava ganny detri.

Habakouk 1:11

Alor, zot pase parey en gro divan e kontiny zot semen. Sa ki enportan pour zot, se zot lafors. Zot pran lafors pour zot bondye.

Sofoni 2:15

Sanmenm sa ki pou arive avek Niniv, sa lavil fyer ki ti an sekirite. Son bann zabitan ti dir: Mwan ki la! Napa koman mwan! Aprezan, in ganny detri; i'n vin en landrwa maske pour zannimo! Tou sa ki pas par la i gognarde e fer bann zes endesan.

Matye 3:8

Alor, prodwi bann bon fri ki montre ki zot in konverti.

Levanzil dapre Lik 11:41

Alor, donn bann pov sa ki dan ou lasyet, e tou ava vin prop pour zot.

Akt de Zapot 24:25

Me koman Pol ti konmans koz lo lazistis, kontrol lo ou prop lekor, e lo zizman ki devre arive, Feliks ti per. I ti dir li, “Ou kapab ale aprezan, kan mon ava annan letan, mon ava fer apel ou.”

Akt de Zapot 26:20

Okontrer, mon ti konmans prese dan Damas, apre avek zabitan Zerizalenm, e answit dan tou bann rezyon Zide ek tou lezot nasyon. Mon ti demann zot pour sanz zot lavi pese, e retourn ver Bondye e pratik bann aksyon ki montre ki vreman zot in repanti.

Akt de Zapot 8:22

Sanz ou move lentansyon e priy Senyer pour ki i pardonn ou si posib, ou move lentansyon.

2 Korentyen 5:11

Akoz nou konnen ki savedir annan respe pour Senyer, nou fer tou pour konvenk dimoun. Me Bondye i konn nou tre byen. Mon espere ki dan zot konsyans, zot osi, zot konn mwan byen.

Galat 5:13

Mon bann frer ek ser! Zot in ganny apele pour viv lib. Me selman, pa fer sa liberte en preteks pour viv dapre dezir zot natir. O kontrer, les zot ganny gide par lanmour pour servi kanmarad.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

Galat 5:6

Annefe, ni sirkonsizyon, ni ensirkonsizyon pa enportan. Lafwa ki azir par lanmour ini avek Kris Zezi ki konte.

Efezyen 4:28

Sa enn ki abitye vole, fodre i aret vole e travay pour ganny son lavi onnetman, e ganny dekwa pour ed bann pov.

Deterononm 24:13

Ou ava rann li sa lobze ler soley i kouse. Konmsa i ava kapab dormi dan son lenz e i ava beni ou. Sa i ava en bonn aksyon devan SENYER, ou Bondye.

Deterononm 32:27

Me mon ti per provokasyon lennmi. Zot bann ladverser ava riske mal konpran e dir: Nou lanmen ki pwisan pa SENYER ki'n fer tousala.

Deterononm 8:17

Fer atansyon! Pa dir dan ou menm: Mon'n ganny mon larises par mon lafors ek mon pwisans.

1 Pyer 4:8

Avan tou, zot devre annan en gran lanmour pour kanmarad, akoz lanmour i akord pardon en kantite pese.