Danyel 4:21 - Labib An Kreol Seselwa

²¹ I ti annan zoli feyaz ek bokou fri pour nouri tou dimoun; anba son lonbraz, bann zannimo ti repoze e parmi son bann brans, zwazo lesyel ti fer zot nik.

Danyel 4:21 ပူးပေါင်းရင်းမြစ်များ

Psonm 104:17

Zwazo i fer zot nik partou dan brans; floranten i viv dan bann pye mangliye.

Ezekyel 17:23

Mon pou plant li lo en montanny ki domin Izrael. I pou ganny bokou brans; i pou raport fri; i pou vin en zoli pye sed. Tou kalite zwazo pou apoz lo la. Zot pou fer zot nik dan lonbraz son bann brans.

Ezekyel 31:6

Dan son bann brans, tou lespes zwazo dan lesyel ti fer zot nik. Anba son bann brans, tou zannimo sovaz ti met ba. Bokou nasyon ti reste anba son lonbraz.

Danyel 2:38

Bondye in met dan ou lanmen tou bann imen, dan nenport landrwa kot zot reste. I'n donn ou dominasyon lo tou bann zannimo sovaz, ek bann zwazo dan lesyel. Ou ki sa latet annor.

Danyel 4:11

Sa pye dibwa ti gran e for, son leker ti tous lesyel. Ti kapab war li depi en bout later ziska lot.

Danyel 4:20

Ou ti war en pye dibwa ki ti grandi e vin for; son leker ti ariv ziska dan lesyel. Tou dimoun, partou ziska dan bout later, ti kapab war li.

Danyel 4:22

Sa pye dibwa se ou, Mazeste, ki'n vin gran e pwisan. Ou pouvwar in ariv ziska lesyel, e ou lotorite ziska dan bout later.

Levanzil dapre Lik 13:19

I parey en lagrenn moutard ki en zonm ti pran e zet dan son zarden. Sa lagrenn ti pouse; i ti vin en pye dibwa e bann zwazo dan lezer ti fer zot nik dan son bann brans.”