Danyel 4:11 - Labib An Kreol Seselwa

¹¹ Sa pye dibwa ti gran e for, son leker ti tous lesyel. Ti kapab war li depi en bout later ziska lot.

Danyel 4:11 ပူးပေါင်းရင်းမြစ်များ

Zenez 11:4

Apre zot ti dir: Annou konstri en lavil avek en tour ki son latet ava tous lesyel. Konmsa, nou ava vin renonmen e nou pa ava ganny disperse partou lo later.

Ezekyel 31:12

Bann nasyon etranze pli vyolan ki tou lezot nasyon, in koup li e kit li ater. Son bann brans in tonm partou lo bann montanny e dan bann vale. Son bann brans i ranpli bann sours delo dan pei; e tou bann pep lo later in kit son lonbraz e abandonn li.

Ezekyel 31:5

Pour sa rezon, i'n vin pli gran ki tou lezot pye dibwa. I annan bokou brans, tou son bann gran brans in tale, akoz i ganny bokou delo.

Matye 11:23

Ou Kapernaoum! Eski ou krwar ou pou ganny leve ziska lesyel? Non! Ou pou ganny abese ziska dan lemonn lanmor. Annefe, si bann mirak ki'n ganny fer kot ou, ti'n ganny fer dan Sodonm, sa lavil ti ava ankor egziste ozordi.

Deterononm 9:1

Izrael, ekoute! Ozordi, ou pe al travers larivyer Zourden, pour sas bann nasyon ki pli gran, pli for ki ou, e pran posesyon bann gran lavil ki fortifye ziska dan lesyel.