Danyel 3:7 - Labib An Kreol Seselwa

⁷ Alor, kan bann dimoun ti antann son tronpet, laflit, sitar, triyang, laarp, tanbour, e tou lezot lenstriman lanmizik, tou bann pep, sorti dan tou nasyon, e ki koz diferan langaz, ti prosternen e ador sa stati annor ki Lerwa Naboukodonozor ti'n fer.

Danyel 3:7 ပူးပေါင်းရင်းမြစ်များ

Zeremi 51:7

Babilonn ti parey en lakoup annor dan lanmen SENYER. I ti soul later antye. Bann nasyon ti bwar son diven e zot in perdi latet.

Danyel 2:46

Alor, lerwa Naboukodonozor ti tonm lafas ater, devan Danyel. I ti ordonnen ki zot prezant li lofrann ek parfen.

Danyel 3:10

Ou menm lerwa, ou ti ordonnen, ki tou dimoun ki antann son tronpet, laflit, sitar, triyang, laarp, tanbour, e tou lezot lenstriman lanmizik, i prosternen e ador stati annor.

Danyel 3:4

Portparol lerwa ti kriy byen for: Tou bann pep, sorti dan tou nasyon, e ki koz diferan langaz, ekout sa lord:

Danyel 3:5

Kan zot antann son tronpet, laflit, sitar, triyang, laarp, tanbour, ek tou lezot lenstriman lanmizik, zot ava prosternen pour ador sa stati annor ki lerwa Naboukodonozor in fer.

Danyel 3:6

Sa enn ki pa prosternen pour ador sa stati, pou deswit ganny zete dan fourno laflanm dife.

Danyel 3:8

Deswit apre, serten Babilonyen ti vin akiz bann Zwif.

Akt de Zapot 14:16

Dan letan pase, Bondye in les tou bann nasyon fer sa ki fer zot plezir.

1 Zan 5:19

Nou konnen ki nou pour Bondye, e ki lemonn antye i anba pouvwar dyab.

Revelasyon 12:9

Sa gran dragon, ti ganny zet deor. Li menm li sa serpan lantikite, ki apel dyab oubyen Satan, e ki tronp lemonn antye. I ti ganny zete lo later ansanm avek son bann lanz.

Revelasyon 13:14

Par sa bann mirak ki i ti'n ganny pouvwar fer dan prezans sa premye bebet, i ti tronp bann zabitan later. I ti demann zot fer en stati sa bebet ki ti'n ganny blese par lepe e ki'n reviv.

Revelasyon 13:3

Enn bann latet sa bebet ti paret i'n ganny blese anmor, me sa blesir mortel ti'n geri. Later antye ti dan ladmirasyon e ti swiv sa bebet partou.

Revelasyon 13:8

Tou zabitan later, tou bann ki zot non pa'n ganny ekri depi konmansman lemonn, dan liv lavi Zenn Mouton ki'n ganny egorze, pou prostern devan li.

Revelasyon 17:8

Sa bebet ki ou'n war, ti deza vivan, me i nepli. I pou monte e sorti dan labim, me i pou al ganny detri. Bann zabitan later ki zot non pa ankor ganny ekri dan liv lavi depi avan kreasyon lemonn, pou etonnen war sa bebet, akoz i ti deza vivan e aprezan i nepli. Me i pou aparet ankor.

Revelasyon 19:20

Sa bebet ti ganny kaptire, ensi ki sa fo profet ki ti'n fer bann siny devan li; bann siny ki ti tronp bann ki ti'n resevwar mark sa bebet ek bann ki ti ador son stati. Tou le de ti ganny zete vivan dan lak dife kot souf ti pe brile.