Danyel 3:6 - Labib An Kreol Seselwa

⁶ Sa enn ki pa prosternen pour ador sa stati, pou deswit ganny zete dan fourno laflanm dife.

Danyel 3:6 ပူးပေါင်းရင်းမြစ်များ

Zenez 19:28

I ti get dan direksyon Sodonm ek Gomor, e tou sa rezyon antye. I ti war lafimen monte sorti dan later, parey lafimen en fourno.

Egzod 20:5

Ou pa pou azenou devan zot e ou pa pou ador zot. Annefe, mwan SENYER ou Bondye, mon en Bondye zalou. Mon pini bann zanfan pour pese zot papa ziska trwazyenm ek katriyenm zenerasyon bann ki ay mwan.

Ezai 44:17

Avek leres dibwa, i fer en bondye, son zidol. I azenou devan li e ador li; i priy avek li e i dir: Sov mwan, akoz ou ki mon bondye!

Zeremi 29:22

Akoz zot, parol malediksyon ki pou ganny servi par bann deporte ki sorti Zida dan Babilonn. Zot pou dir: Nou demann SENYER tret ou parey Sedesyas ek Akab ki lerwa Babilonn ti fer brile vivan.

Danyel 2:5

Lerwa ti dir zot, “Sa i mon desizyon: Si zot pa dir mwan mon rev e donn mwan son lenterpretasyon, zot pou ganny koup an morso e zot lakaz pou ganny detri.

Danyel 3:11

Sa ki pa prosternen e ki pa ador sa stati, pou ganny zete dan fourno laflanm dife.

Danyel 3:15

Aprezan, met zot pare, kan zot antann son tronpet, laflit, sitar, triyang, laarp, tanbour, e tou lezot lenstriman lanmizik, zot ava prosternen pour ador sa stati ki mon'n fer. Si zot pa ador li, zot pou deswit ganny zete dan fourno laflanm dife. Lekel sa bondye ki pou sov zot dan mon lanmen?”

Danyel 3:21

Alor, sa bann zonm ti ganny anmare, dan tou zot lenz, zot manto, zot kannson, zot bonnen, tou zot labiyman; zot ti ganny zete dan fourno laflanm dife.

Danyel 3:7

Alor, kan bann dimoun ti antann son tronpet, laflit, sitar, triyang, laarp, tanbour, e tou lezot lenstriman lanmizik, tou bann pep, sorti dan tou nasyon, e ki koz diferan langaz, ti prosternen e ador sa stati annor ki Lerwa Naboukodonozor ti'n fer.

Danyel 5:19

Akoz sa grander ki Bondye ti'n donn li, tou pep, nasyon tou pei, ki koz diferan langaz, ti tranble devan li. I ti touy sa ki i ti anvi, e les viv sa ki i ti anvi. I ti donn loner sa ki i ti anvi e abes bann ki i ti anvi abese.

Danyel 6:7

Tou bann sef ou rwayonm, bann administrater, bann gouverner, bann konseye, ek bann zofisye, in tonm dakor pour pibliy sa lord: Okenn dimoun, ki pandan 30 zour, i adres lapriyer anver okenn lot bondye oubyen et imen, apard ou, Mazeste, ava ganny zete dan kavern lyon.

Matye 13:42

I pou zet zot dan fourno dife, la kot zot pou plere e grens ledan.

Matye 13:50

Bann ki move pou ganny zete dan fourno dife, la kot bokou pou plere e grens ledan.”

Matye 4:9

Dyab ti dir li, “Mon pou donn ou tousala, si ou met ou azenou e ador mwan.”

Mark 6:27

Deswit alor, i ti anvoy en solda avek lord pour anmenn latet Zanbatis. Sa solda ti al dan prizon e sot latet Zanbatis.

Revelasyon 14:11

Lafimen dife ki tourmant zot pou monte pour touzour. Bann ki ador sa bebet ek son stati, e nenport ki, ki resevwar mark son non, pou san repo, ni lizour, ni lannwit.

Revelasyon 9:2

Sa zetwal ti ouver labim e en lafimen ti monte sorti dan pwi, parey lafimen en gran fourno. Soley ek ler ti vin sonm avek sa lafimen ki ti sorti dan sa pwi.