Danyel 3:27 - Labib An Kreol Seselwa

²⁷ Tou bann sef, gouverner, ek konseye lerwa ti rasanble e war ki sa dife pa ti'n fer okenn dimal lo lekor sa bann zonm: Seve lo zot latet pa ti'n brile, zot lenz pa ti'n brile, e zot pa ti ni santi loder brile.

Danyel 3:27 ပူးပေါင်းရင်းမြစ်များ

1 Rwa 13:28

I ti ale e trouv lekor sa zonm lo semen e sa bourik ek lyon ki ti pe debout akote. Sa lyon pa ti'n manz ni son lekor, ni sa bourik.

2 Rwa 19:19

Aprezan SENYER, nou Bondye, mon sipliy ou, sov nou anba lanmen Senakerib. Konmsa, tou bann rwayonm lo later ava konnen ki zis ou, SENYER, ki Bondye.

Psonm 83:18

Konmsa, zot ava konnen ki ou menm sel SENYER, Bondye Treo, lo later antye.

Ezai 26:11

SENYER! Ou lanmen in leve, me zot pa war. Kan zot ava war sa gran pasyon ki ou annan pour ou pep, zot ava kanmi. Dife ki'n ganny alimen pour bann lennmi ava bril zot.

Ezai 43:2

Si ou travers lanmer, mon pou avek ou; si ou travers bann gran larivyer, ou pa pou ganny trennen. Si ou mars atraver dife, ou pa pou ganny brile, e bann laflanm pa pou fer ou dimal,

Danyel 3:21

Alor, sa bann zonm ti ganny anmare, dan tou zot lenz, zot manto, zot kannson, zot bonnen, tou zot labiyman; zot ti ganny zete dan fourno laflanm dife.

Danyel 6:23

Lerwa ti vreman kontan, e i ti ordonnen ki Danyel i ganny tire dan kavern lyon. Alor, Danyel ti ganny tire dan kavern e ti napa okenn blesir lo li, akoz i ti'n met son konfyans dan son Bondye.

Danyel 6:7

Tou bann sef ou rwayonm, bann administrater, bann gouverner, bann konseye, ek bann zofisye, in tonm dakor pour pibliy sa lord: Okenn dimoun, ki pandan 30 zour, i adres lapriyer anver okenn lot bondye oubyen et imen, apard ou, Mazeste, ava ganny zete dan kavern lyon.

Matye 10:30

Menm, bann bren seve lo zot latet in ganny konte.

Akt de Zapot 26:26

Lerwa Agripa i byen okouran sa ki mon pe dir. Alor, mon kapab koz avek lasirans devan li. Mon sir ki i konn tousala, akoz tousala pa ti pas an kasyet.

Akt de Zapot 27:34

Alor, mon konsey zot manz enpe pour reste vivan. Personn parmi zot pa pou perdi menm en bren seve lo son latet.”

Ebre 11:34

tenny dife vyolan, evite ganny masakre par lepe. Menm si zot ti feb, zot ti repran lafors. Zot ti vayan dan konba e bat bann larme etranze.