Danyel 3:25 - Labib An Kreol Seselwa

²⁵ I ti dir, “Me, mon war kat zonm ki pa anmare, pe marse dan milye dife. Zot pa ni ganny brile, e sa katriyenm i annan laparans en bondye.”

Danyel 3:25 ပူးပေါင်းရင်းမြစ်များ

Liv Zob 1:6

En zour, bann garson Bondye ti prezant zot devan SENYER. Lakizater osi ti vin parmi zot.

Liv Zob 38:7

letan bann zetwal granmaten ti pe sant anker e tou bann garson Bondye ti pe kriye avek lazwa?

Liv Zob 5:19

I pou delivre ou sis fwa dan tourman, e pandan set fwa, i pou eparny ou dan maler.

Psonm 34:7

Lanz SENYER i kanp otour sa bann ki annan respe pour SENYER. I delivre zot dan tou danze.

Proverb 30:4

Lekel ki'n mont dan lesyel e ki'n desann? Lekel ki'n atrap divan dan kre son lanmen? Lekel ki'n anvlop delo dan son lenz? Lekel ki'n plas bann limit later? Ki mannyer i apele? Koman son garson i apele? Si ou konnen, dir mwan.

Ezai 43:2

Si ou travers lanmer, mon pou avek ou; si ou travers bann gran larivyer, ou pa pou ganny trennen. Si ou mars atraver dife, ou pa pou ganny brile, e bann laflanm pa pou fer ou dimal,

Zeremi 1:19

Zot pou lager kont ou; me zot pa pou kapab fer ou nanryen, akoz mon avek ou pour protez ou. SENYER i deklare.

Zeremi 1:8

Pa bezwen per zot! Mon pou avek ou pour protez ou.

Zeremi 15:21

Mon pou aras ou dan zot lanmen. Mon pou sov ou kont dimoun vyolan, SENYER i deklare.

Danyel 3:18

Menm si i pa fer li, nou fer ou konnen, ki nou pa pou servi ou bann bondye e nou pa pou ador sa stati annor ki ou'n fer.”

Danyel 3:24

Alor, lerwa Naboukodonozor ti soke e leve toudswit. I ti demann son bann konseye, “Pa ti annan trwa zonm ki ti ganny zete anmare dan dife?” Zot ti reponn lerwa, “Wi, Mazeste.”

Danyel 3:28

Naboukodonozor ti dir, “Beni non Bondye Sadrak, Mesak ek Abed-Nego, ki'n anvoy son lanz pour sov son bann serviter akoz zot annan konfyans dan li. Zot in dezobei lord lerwa e riske zot lavi, plito ki servi e ador en lot bondye apar zot prop Bondye.

Danyel 6:23

Lerwa ti vreman kontan, e i ti ordonnen ki Danyel i ganny tire dan kavern lyon. Alor, Danyel ti ganny tire dan kavern e ti napa okenn blesir lo li, akoz i ti'n met son konfyans dan son Bondye.

Mark 16:18

Si zot atrap serpan; si zot bwar en pwazon, sa pa pou fer zot okenn dimal. Zot pou poz zot lanmen lo bann malad e bann malad pou geri.”

Levanzil dapre Lik 1:35

Lanz ti reponn li, “Lespri Sen pou desann lo ou. Bondye pou kouver ou avek son pwisans parey en lonbraz. Pour sa rezon, sa zanfan ki pou ne pou konsakre pour Bondye. I pou apel Garson Bondye.

Akt de Zapot 28:5

Me Pol ti zis sekwe sa serpan dan dife, san sibir okenn dimal.

Romen 1:4

Me dapre Lespri Sen, i'n ganny manifeste koman Garson Bondye avek pwisans, kan i ti resisite.

1 Pyer 3:13

Dir mwan aprezan: Lekel ki pou fer zot dimal si zot annan gran dezir pour fer sa ki byen?