Danyel 3:10 - Labib An Kreol Seselwa

¹⁰ Ou menm lerwa, ou ti ordonnen, ki tou dimoun ki antann son tronpet, laflit, sitar, triyang, laarp, tanbour, e tou lezot lenstriman lanmizik, i prosternen e ador stati annor.

Danyel 3:10 ပူးပေါင်းရင်းမြစ်များ

1 Kronik 15:16

David ti donn lord bann sef Levit pour swazir bann santer parmi zot bann frer pour fer rezonnen bann lenstriman lanmizik tel ki, laarp, lir ek senbal koman siny rezouisans.

1 Kronik 15:28

Alor, Izrael antye ti fer monte Kof Lalyans SENYER avek rezouisans avek rezonnman kor, tronpet, ek senbal, e avek lakonpannyman laarp ek lir.

2 Kronik 29:25

Ezekyas ti plas bann levit dan tanp SENYER avek bann lenstriman lanmizik: Senbal, laarp ek lir. I ti swiv lareg ki David ek Gad, profet lerwa ek profet Natan, ti etabli dapre lord SENYER atraver son bann profet.

Psonm 94:20

Ki mannyer zot kapab konplis avek sa bann ziz kriminel ki servi lalwa pour kree lanmizer?

Egzod 1:16

“Kan zot ava pe asiste en fanm Ebre dan lakousman, si i ganny en pti garson, touy li; me si i ganny en pti fiy les li viv.”

Egzod 1:22

Alor, Faraon ti donn sa lord lepep antye, “Zot devre zet dan larivyer Nil, tou pti garson Izraelit ki ne; zot ava les viv tou bann pti fiy.”

Eklezyas 3:16

La sa ki mon'n war ankor anba soley: Dan plas lalwa, i annan mesanste; la kot i devre annan lazistis, la ankor, i annan mesanste.

Ezai 10:1

Maler lo sa bann ki fer bann regleman enzis, ki fer bann lalwa ki pez lo bann sitwayen.

Danyel 3:11

Sa ki pa prosternen e ki pa ador sa stati, pou ganny zete dan fourno laflanm dife.

Danyel 3:15

Aprezan, met zot pare, kan zot antann son tronpet, laflit, sitar, triyang, laarp, tanbour, e tou lezot lenstriman lanmizik, zot ava prosternen pour ador sa stati ki mon'n fer. Si zot pa ador li, zot pou deswit ganny zete dan fourno laflanm dife. Lekel sa bondye ki pou sov zot dan mon lanmen?”

Danyel 6:12

Apre, zot ti al kot lerwa e koz avek li konsernan sa lord rwayal, “Eski pa ou ti siny en lord ki okenn dimoun ki adres lapriyer anver okenn lot bondye, oubyen et imen, apard ou Mazeste, pou ganny zete dan kavern lyon?” Lerwa ti reponn, “Sa i vre, dapre lalwa bann Med ek bann Pers, ki personn pa kapab sanze.”

Amos 6:5

Zot sante avek lakonpannyman laarp; parey David, zot envant bann nouvo lenstriman lanmizik.

Levanzil dapre Zan 11:57

Bann gran-pret ek bann Farizyen ti'n donn lord ki sa enn ki konnen kot Zezi i ete, devre vin raporte pour zot kapab aret li.