Danyel 3:1 - Labib An Kreol Seselwa

¹ Lerwa Naboukodonozor ti fer en stati annor 30 met oter e trwa met larzer. I ti plas li dan laplenn Doura, dan provens Babilonn.

Danyel 3:1 ပူးပေါင်းရင်းမြစ်များ

1 Rwa 12:28

Apre ki lerwa ti'n pran konsey, i ti fer stati de zenn bef annor. I ti dir lepep, “Zot in ase mont Zerizalenm. Pep Izrael! La zot bondye ki'n fer zot sorti Lezip.”

Ester 1:1

Sa ti ariv dan letan Zerzes, sa menm lerwa Zerzes ki ti renny lo 127 provens, depi Lenn ziska Letyopi.

Psonm 135:15

Zidol bann nasyon in ganny fer avek larzan e avek lor; zot in ganny fabrike par lanmen zonm.

Egzod 20:23

Zot pa pou fer okenn bondye annarzan oubyen annor. Zot pa pou ador bann bondye apard mwan.

Egzod 32:31

Moiz ti retourn kot SENYER. I ti dir, “SENYER! Ou pep in komet en pese grav. Zot in fer en bondye annor pour zot.

Ezai 2:20

Sa zour, dimoun pou zet avek bann tang ek bann sovsouri, bann zidol annarzan e annor fer par zot menm pour adore.

Ezai 30:22

Alor, ou ava konsider koman enpir, larzan ki kouver ou bann stati; lor ki lo ou bann zidol an metal. Ou ava zet zot parey salte. Ou ava dir zot: Sorti la salte!

Ezai 46:6

I annan ki gaspiy lor ki dan zot pos, ki pez larzan dan balans. Zot pey en lorfev pour li fer en bondye. Apre, zot tonm devan li e ador li.

Zeremi 10:9

Zot ganny fabrike par en artizan e ganny dekore par en lorfev avek bann fey annarzan ki'n ganny enporte sorti Tarsis, oubyen avek lor sorti Oufaz. Answit, zot ganny abiye dan bann lenz kouler rouz e mov zot zis bann lobze lar, travay en artizan.

Zeremi 16:20

Eski zonm i kapab fer son bann bondye, alor ki li menm i pa en vre bondye?

Danyel 2:48

Apre, lerwa ti donn Danyel bann gran loner; i ti donn li bokou gro kado, e met li ansarz provens Babilonn antye. I ti fer li sef bann savan dan Babilonn.

Danyel 2:49

Danyel ti fer en demann avek lerwa e lerwa ti apwent Sadrak, Mesak, ek Abed-Nego pour ansarz ladministrasyon provens Babilonn. Danyel li, ti reste dan lakour lerwa.

Danyel 3:14

Naboukodonozor ti demann zot, “Sadrak, Mesak ek Abed-Nego, eski i vre ki zot pa servi mon bann bondye e ki zot refize ador sa stati annor ki mon'n fer?

Danyel 3:30

Apre, lerwa ti donn bann responsabilite pli enportan Sadrak, Mesak ek Abed-Nego dan provens Babilonn.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Danyel 5:4

Zot ti bwar diven e loue bann bondye annor e annarzan, an bronz e an fer, an bwa e an ros.

Oze 2:8

I pa ti'n konpran sa: Mwan ki ti pe donn li dible, diven ek delwil. Mon ti donn li larzan ek lor, me i ti servi pour ofer Baal.

Oze 8:4

Zot swazir zot lerwa, me san mon lakor. Zot etabli bann sef, me san fer mwan konnen. Zot fabrik zot zidol avek zot larzan ek zot lor, me in anmenn zot destriksyon.

Habakouk 2:19

Maler lo ou ki dir avek en morso dibwa: Leve e ki dir avek en stati an ros: Reveye! Eski i kapab ansennyen? I en stati kouver avek lor ek larzan, me i napa okenn souf lavi dan li.

Akt de Zapot 17:29

Alor, akoz nou son bann zanfan, nou pa devre krwar ki Bondye i parey avek en divinite ki'n fer avek lor, larzan oubyen ros, ki lar ek limazinasyon imen in prodwir.

Akt de Zapot 19:26

Me zot in war oubyen zot in tande sa ki pe pase: Sa zonm, Pol, pe dir ki bann bondye fer par zonm, pa bondye. I'n reisi konverti bokou dimoun, pa zis isi Efez, me preski dan provens Lazi antye.

Deterononm 7:25

Ou ava bril zot bann stati ek zot bann bondye. Pa les ou ganny tante par larzan oubyen lor ki kouver zot, akoz zot kapab vin en pyez pour ou; zot degoutan devan SENYER, ou Bondye.

Revelasyon 9:20

Lezot zonm ki pa ti ganny touye par bann fleo, pa ti abandonn sa ki zot ti'n fer. Zot pa ti aret ador bann demon ek bann zidol annor, annarzan, an bronz, an pyer e an bwa ki pa kapab ni war, ni tande, ni marse.