Danyel 2:46 - Labib An Kreol Seselwa

⁴⁶ Alor, lerwa Naboukodonozor ti tonm lafas ater, devan Danyel. I ti ordonnen ki zot prezant li lofrann ek parfen.

Danyel 2:46 ပူးပေါင်းရင်းမြစ်များ

Esdras 6:10

Konmsa, zot ofer sakrifis ki donn en loder ki fer plezir Bondye dan lesyel e zot ava priye pour lavi lerwa ek son bann garson.

Danyel 3:5

Kan zot antann son tronpet, laflit, sitar, triyang, laarp, tanbour, ek tou lezot lenstriman lanmizik, zot ava prosternen pour ador sa stati annor ki lerwa Naboukodonozor in fer.

Danyel 3:7

Alor, kan bann dimoun ti antann son tronpet, laflit, sitar, triyang, laarp, tanbour, e tou lezot lenstriman lanmizik, tou bann pep, sorti dan tou nasyon, e ki koz diferan langaz, ti prosternen e ador sa stati annor ki Lerwa Naboukodonozor ti'n fer.

Danyel 8:17

Alor, Gabriyel ti vin pre kot mon ti ete. Kan i ti arive, mon ti ganny en lafreyer, e mon ti tonm lafas ater. I ti dir mwan, “Ekoute, imen! Konpran ki sa vizyon i konsern letan lafen.”

Levitik 26:31

Mon pou fer zot bann lavil vin en ta debri, devaste zot bann sanktyer; mon pa pou aksepte loder zot bann lofrann.

Levanzil dapre Lik 17:16

I ti tonm lafas ater kot lipye Zezi e i ti remersye li. Sa zonm ti en Samariten.

Akt de Zapot 10:25

Kan Pyer ti arive, Korney ti vin zwenn li e i ti tonm ater devan son lipye avek gran respe.

Akt de Zapot 14:13

Pret bondye Zeis ki son tanp ti dan lantre lavil, ti anmenn bann toro ornen avek girlann fler devan laport sa tanp. Ansanm avek lafoul, zot ti oule ofer Pol ek Barnabas en sakrifis.

Akt de Zapot 28:6

Zot ti espere war li anfle oubyen tonbe mor en sel kou. Me zot ti esper lontan, san war nanryen mal arive avek Pol. Alor, zot ti sanz zot lide e dir ki i ti en bondye.

Revelasyon 11:16

Sa 24 ansyen ki ti pe asize lo zot tronn devan Bondye ti tonm figir kont later e ador Bondye.

Revelasyon 19:10

Alor, mon ti tonm ater dan son lipye pour ador li, me i ti dir mwan: Non, pa fer sa! Mon en serviter parey ou ek ou bann frer ki gard temwannyaz Zezi. Ador Bondye. Annefe, temwannyaz Zezi i lespri profesi.

Revelasyon 22:8

Mwan, Zan, mon'n tande e mon'n war tou sa bann keksoz. Kan mon ti war tousala, mon ti tonm ater pour ador lanz ki ti pe montre mwan sa bann keksoz.