Danyel 2:45 - Labib An Kreol Seselwa

⁴⁵ Ou ti war sa ros sorti dan montanny, san lentervansyon okenn lanmen, e i ti kraz fer, bronz, later, larzan ek lor. Bondye ki gran in fer konnen lerwa sa ki pou arive dan lavenir. Sa rev i vre e son lenterpretasyon i bon.

Danyel 2:45 ပူးပေါင်းရင်းမြစ်များ

Zenez 41:26

Sa set zoli bef, i reprezant set lannen, e sa set gro zepi osi, i set lannen. I form en menm rev.

Zenez 41:28

Parey mon'n dir Faraon, Bondye in montre li sa ki i pou fer.

Zenez 41:32

Si ou'n rev de fwa, sa i montre ki Bondye in deside e i pa pou tarde pour fer li arive.

2 Samyel 7:22

Senyer BONDYE, ou gran! Napa personn parey ou, e dapre sa ki nou'n tande, napa en lot Bondye apard ou.

1 Kronik 16:25

SENYER i gran e merit ganny loue. I pli terib ki tou lezot bondye.

Nehemi 4:14

Apre ki mon ti'n egzamin bann pozisyon, mon ti dir avek bann sef, bann mazistra e lepep antye, “Pa bezwen per zot. Mazin SENYER ki gran e terib. Zot pe konbat pour zot bann frer, zot bann garson, zot bann fiy, zot bann fanm e pour zot prop lakaz.”

Nehemi 9:32

Aprezan, nou Bondye, Bondye ki gran, pwisan e ki merit respe; ou ki gard ou lalyans e montre ou fidelite pran kont sa maler ki'n tap nou, nou bann lerwa, nou bann sef, nou bann pret, nou bann profet, nou bann zanset, ek tou ou pep, depi lepok bann lerwa Asiri, ziska ozordi.

Liv Zob 36:26

Bondye i telman gran ki nou pa konpran li; nou pa konnen ki laz i annan.

Psonm 135:5

Mwan, mon konnen ki SENYER i gran; nou SENYER i par lao tou lezot bondye.

Psonm 145:3

SENYER i gran; i merit ganny tou louanz. Son grander i san limit.

Psonm 2:9

Ou pou diriz zot avek en baton an fer; ou pou kas zot an morso parey en po later.

Psonm 48:1

SENYER i gran. Dan lavil nou Bondye, son montanny sakre, i merit tou louanz.

Psonm 96:4

SENYER i gran; i merite ki nou loue li. I formidab, plis ki tou lezot bondye.

Ezai 28:16

La sa ki Senyer BONDYE i deklare: La mon poz en ros fondasyon dan Siyon. En ros ki'n ganny byen swazir; en ros kwen presye, en fondasyon sir. Sa enn ki krwar dan li pa pou dezapwente.

Danyel 2:24

Alor Danyel ti al kot Aryok, sa enn ki lerwa ti'n apwente pour touy bann savan dan Babilonn. I dir li, “Pa touy bann savan dan Babilonn; anmenn mwan devan lerwa, e mon ava donn lerwa lenterpretasyon son rev.”

Danyel 2:28

Me i annan en Bondye dan lesyel ki revel bann mister, e i'n montre lerwa Naboukodonozor sa ki pou arive dan lavenir. La ou rev ek bann vizyon ki ou'n gannyen dan ou sonmey:

Danyel 2:29

Mazeste! Letan ou ti pe dormi lo ou lili, ou ti pe mazin lo lavenir. Sa enn ki revel bann mister, ti montre ou sa ki pou arive.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Danyel 8:25

Par riz, i pou reisi tronp bokou. Leker ranpli avek larogans, i pou touy bokou dimoun ki ti krwar zot an sekirite. I pou dres li kont lerwa tou bann lerwa. Me i pou ganny detri, san okenn lentervansyon imen.

Agze 2:22

Mon pe al fer tonbe bann lerwa e detri pwisans bann rwayonm lo later. Mon pou detri bann gerye avek zot kales lager ek zot bann kavalye. Bann kavalye pou masakre kanmarad.

Zakari 12:3

Sa zour, mon pou fer Zerizalenm vin parey en gro ros lour. Dimoun ki pou esey lev li pou ganny blese. Tou bann nasyon lo later pou ralye kont li.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Matye 21:24

Zezi ti reponn zot, “Mwan osi mon annan en kestyon pour demann zot. Si zot kapab reponn, mon ava dir zot avek ki lotorite mon fer tousala.

Matye 24:35

Lesyel ek later pou disparet, me mon parol pa pou disparet.

Levanzil dapre Lik 17:20

Bann Farizyen ti demann Zezi kan Rwayonm Bondye pou vini. I ti reponn zot, “Rwayonm Bondye pa pou vini par bann siny ki ou kapab war.

Deterononm 10:17

SENYER, zot Bondye i Bondye tou lezot bondye e SENYER tou senyer. I sa pli gran Bondye pwisan e terib ki pa fer preferans e i pa aksepte gous.

Revelasyon 1:19

Aprezan, ekri sa ki ou'n war, sa ki pe pase aprezan, e sa ki pou arive apre.

Revelasyon 19:17

Apre, mon ti war en lanz debout dan soley. Avek en lavwa for, i ti kriy avek tou bann zwazo dan lezer: Rasanble pour sa gran festen Bondye!

Revelasyon 4:1

Apre sa, mon ti regarde, e mon ti war en laport ouver dan lesyel. Sa lavwa ki ti sonn koman en tronpet, ki mon ti'n tande avan, ti dir mwan: Mont isi e mon ava fer ou war sa ki pou arive apre sa.