Danyel 2:37 - Labib An Kreol Seselwa

³⁷ Mazeste! Ou lerwa tou lerwa, akoz Bondye dan lesyel in donn ou rwayonm, pouvwar, pwisans ek laglwar.

Danyel 2:37 ပူးပေါင်းရင်းမြစ်များ

1 Rwa 4:24

Salomon ti domin lo rezyon Was antye, tou dilon larivyer Efrat, depi Tifsa, ziska Gaza e tou bann lerwa dan sa rezyon ti soumet avek li. I ti viv anpe avek tou son bann vwazen.

2 Rwa 25:28

I ti koz byen avek Yoyakin, e plas li lo en tronn par lao bann lerwa ki ti avek li Babilonn.

2 Kronik 36:23

La sa ki Siris, lerwa Lapers, i dir: SENYER, Bondye lesyel, in donn mwan tou bann rwayonm lo later. I'n ordonn mwan konstri en tanp pour li dan Zerizalenm, dan pei Zida. Bann parmi zot ki form parti son pep, ale; e ki SENYER, Bondye i avek zot.

Esdras 1:2

La sa ki Siris, lerwa Lapers i proklanmen: SENYER, Bondye lesyel, in donn mwan lotorite lo tou bann rwayonm lo later. In ordonn mwan konstri en tanp pour li Zerizalenm, dan pei Zida.

Esdras 7:12

Artakzerzes, lerwa tou bann lerwa, pour Esdras, ekriven e eksper dan lalwa Bondye lesyel! Lape!

Psonm 62:11

Bondye in dir e mon'n antann repete: Zis Bondye tousel ki posed lapwisans.

Proverb 8:15

Gras a mwan, bann lerwa i rennyen e bann sef i fer bann bon lalwa.

Ezai 10:8

Annefe, i dir: Eski tou mon bann sef pa vo bann lerwa?

Ezai 47:5

Bann fiy Babilonn! Asiz an silans dan fernwanr. Zot pou nepli ganny apele: Larenn bann Rwayonm.

Zeremi 28:14

Annefe, la sa ki SENYER liniver, Bondye Izrael i deklare: Mon met lo likou tou sa bann nasyon, en bar an fer e zot ava servi Naboukodonozor, lerwa Babilonn. Menm bann zannimo sovaz pou anba son pouvwar.

Zeremi 34:1

La parol ki SENYER ti adres Zeremi, kan Naboukodonozor, lerwa Babilonn ek son bann gerye ti pe atak tou bann rwayonm lo later, ki tou bann pep dan son rwayonm ti pe lager kont Zerizalenm ek tou bann lavil:

Ezekyel 26:7

La sa ki Senyer BONDYE i deklare: Mon pou fer vini kont Tir, Naboukodonozor lerwa Babilonn, en lerwa parmi bann lerwa, avek tou son seval ek kales lager, son bann kavalye ek en gran larme, sorti dan Nor.

Danyel 1:2

SENYER ti livre Yoyakim, lerwa Zida, dan lanmen Naboukodonozor, avek serten bann istansil tanp Bondye. Naboukodonozor ti anmenn sa bann istansil dan pei Sinear e met zot dan lasal trezor son bann bondye.

Danyel 2:31

Mazeste! Ou ti ganny en vizyon; dan sa vizyon ou ti war en gran stati. Sa stati ti gran e ekstraordiner. I ti debout devan ou, e son laparans ti terib.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Danyel 4:19

Danyel, ki ti osi apel Beltasar, ti trakase pour en moman. Son panse ti tourmant li. Lerwa ti dir li, “Beltasar, pa les sa rev ek son lenterpretasyon tourmant ou.” Beltasar ti reponn, “Mazeste! Si selman sa rev ti konsern ou bann lennmi, e son lenterpretasyon ti pour ou bann ladverser!

Danyel 4:22

Sa pye dibwa se ou, Mazeste, ki'n vin gran e pwisan. Ou pouvwar in ariv ziska lesyel, e ou lotorite ziska dan bout later.

Danyel 4:25

Ou pou ganny sase parmi bann imen, e ou pou viv parmi zannimo sovaz. Ou pou manz zerb parey bef; ou pou ganny kouver avek laroze lesyel. Set lannen pou pase, ziska ki ou aksepte ki Bondye Toupwisan i kontrol tou rwayonm imen e i donn sa ki i anvi.

Danyel 4:3

Son bann mirak i gran! Son bann mervey i pwisan! Son rwayonm i eternel! Son renny i dire pour touzour dan tou zenerasyon!

Danyel 4:32

Ou pou ganny sase parmi bann imen; ou pou al viv parmi bann zannimo sovaz. Ou pou manz zerb parey bef, pandan set an, ziska ki ou rekonnet ki Bondye Toupwisan i annan pouvwar lo tou rwayonm imen, ki i donn sa ki i anvi.

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Danyel 5:18

Mazeste! Bondye Toupwisan ti fer ou papa Naboukodonozor vin lerwa. I ti donn li grander, loner ek laglwar.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Oze 8:10

Kanmenm zot in pey bann nasyon, mon pou rasanble zot. Zot pou soufer anba fardo zot bann lerwa ek zot bann sef.

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Levanzil dapre Zan 19:11

Zezi ti reponn li, “Ou pa ti pou annan pouvwar lo mwan, si Bondye pa ti'n donn ou. Pour sa rezon, sa zonm ki'n livre mwan dan ou lanmen i pli koupab ki ou.”

Revelasyon 1:5

e delapar Zezi-Kri, temwen fidel, premye ne parmi bann mor, sef parmi bann lerwa later. Zezi-Kri i kontan nou. Par son disan, i'n delivre nou avek tou nou bann pese.

Revelasyon 17:14

Zot pou konbat kont Zenn Mouton; me Zenn Mouton ki pou ganny laviktwar lo zot, akoz i Senyer tou senyer e Lerwa tou lerwa. I pou ganny laviktwar ansanm avek bann ki'n ganny apele, ki'n ganny swazir e ki fidel.

Revelasyon 19:16

Lo son rob e lo son kwis, en non in ganny enskri: Lerwa tou bann lerwa, Senyer tou bann senyer.

Revelasyon 4:11

Senyer, nou Bondye! Ou merit resevwar laglwar, loner ek pwisans. Ou ki'n kree tou keksoz. Par ou lavolonte ki zot egziste e ki zot i'n ganny kree.

Revelasyon 5:12

Zot ti sante avek en lavwa byen for: Zenn Mouton ki'n ganny egorze, i diny pour resevwar pwisans, larises, lasazes, lafors, loner, laglwar ek louanz.