Danyel 2:35 - Labib An Kreol Seselwa

³⁵ Alor, fer, later, bronz, larzan ek lor, ti ganny kraze e vin lapousyer. Zot ti anvole parey lapay, ler ou bat dible. Divan ti balye zot san kit okenn latras. Me sa ros ki ti tap sa stati ti vin en gran montanny ki ti ranpli later antye.

Danyel 2:35 ပူးပေါင်းရင်းမြစ်များ

Liv Zob 6:17

Dan sezon lasaler, zot sek. Dan letan lasaler, soley i fer zot sek e zot disparet.

Psonm 103:16

Koman divan i soufle, i disparet e personn pa rekonnet kot i ti ete.

Psonm 22:27

Later antye, ava mazin SENYER. Zabitan later ava retourn ver li. Tou bann fanmir bann pep ava ador li.

Psonm 37:10

Dan ankor en pti pe letan, bann malfeter pou disparet. Ou pou rod zot kot zot ti ete, me zot pou nepli la.

Psonm 37:36

Me kan mon ti retournen, i ti nepli la. Mon ti rod li, me i ti'n disparet.

Psonm 46:9

I fer lager arete partou lo later; i kas bann fles, i detri bann lans; i met dife dan bann boukliye.

Psonm 66:4

Tou dimoun lo later i ador ou; zot sant an ou loner; zot sant an loner ou non.

Psonm 86:9

Tou bann nasyon ki ou'n kree pou prosternen devan ou, SENYER e zot ava rann glwar ou non.

Ezai 11:9

Pou nepli annan nanryen ki fer dimal lo mon montanny sen; parey delo sale i ranpli losean, konnesans SENYER pou ranpli later.

Ezai 8:9

Pep, tranble e mor avek lafreyer! Tou pei dan lemonn antye, ekoute! Met zot pare pour lager! Met zot pare pour lager!

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Oze 13:3

Alor, zot pou parey brouyar granmaten, oubyen laroze ki disparet dan en pti moman. Zot parey lapay dible oubyen lafimen ki sorti par lafnet.

Mise 4:13

Zabitan Zerizalenm! Leve, al bat dible. Mon pou fer ou osi for ki en bef avek korn an fer, e sabo an bronz. Ou ava kas an morso bokou nasyon. Bann larises ki ou pran, ava ganny rezerve pour mwan, mwan SENYER, met liniver antye.

Zakari 12:3

Sa zour, mon pou fer Zerizalenm vin parey en gro ros lour. Dimoun ki pou esey lev li pou ganny blese. Tou bann nasyon lo later pou ralye kont li.

1 Korentyen 15:25

Annefe, fodre ki Kris i rennyen ziska ki i'n met tou son bann lennmi anba son lipye.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 12:8

Me dragon pa ti ganny laviktwar. Alor, ti nepli annan plas pour zot dan lesyel.

Revelasyon 20:11

Apre, mon ti war en gran tronn blan e sa enn ki ti pe asiz lo la. Later ek lesyel ti disparet devan li; ti napa plas ankor pour zot.