Danyel 2:30 - Labib An Kreol Seselwa

³⁰ Si sa mister in ganny revele avek mwan, se pa akoz okenn lasazes ki mon annan anplis ki lezot imen, me pour ki lerwa i konn lenterpretasyon e pour fer ou konpran sa ki ou ti pe mazinen dan ou lespri.

Danyel 2:30 ပူးပေါင်းရင်းမြစ်များ

Zenez 41:16

Zozef ti reponn Faraon, “Pa mwan, me Bondye ki ava donn ou en lenterpretasyon favorab ou rev.”

Psonm 139:2

Ou konnen ler mon asiz e ler mon leve. Ou konn tou mon lentansyon lontan avan.

Ezai 45:4

Akoz Zakob mon serviter e Izrael ki mon'n swazi, mon apel ou par ou non. Menm si ou pa konn mwan, mon pou fer ou sa loner.

Danyel 1:17

An sa ki konsern literatir ek lasazes, Bondye ti donn sa kat zennzan, disernman ek konnesans. Danyel ti osi kapab enterpret bann vizyon ek bann rev.

Danyel 2:47

Lerwa ti dir Danyel, “Vreman, ou Bondye i Bondye tou bann bondye, e SENYER tou bann lerwa, sa enn ki revel bann mister, akoz ou'n kapab revel sa mister avek mwan!”

Danyel 2:49

Danyel ti fer en demann avek lerwa e lerwa ti apwent Sadrak, Mesak, ek Abed-Nego pour ansarz ladministrasyon provens Babilonn. Danyel li, ti reste dan lakour lerwa.

Amos 4:13

Bondye i sa enn ki form bann montanny e kree divan. I revel son bann plan avek bann imen. I fer lizour vin lannwit. I mars lo bann oter. Son non: SENYER, Bondye liniver.

Matye 24:22

Me si Bondye pa ti'n rakoursi sa bann zour, personn pa ti pou ganny sove. Me Bondye in rakoursi sa bann zour, akoz son pep ki i'n swazir.

Mark 13:20

Si Senyer pa ti'n rakoursi sa bann zour, personn pa ti pou ganny sove. Me in rakoursi sa bann zour, akoz bann ki i'n swazir.

Akt de Zapot 3:12

Kan Pyer ti war sa, i ti dir avek lafoul, “Mon bann frer Izraelit! Akoz zot etonnen konmsa par sa gerizon? Akoz zot get nou konmsa, konmsi nou ki'n fer marse sa zonm par nou prop pouvwar, oubyen nou prop merit?

Romen 8:28

Nou konnen ki Bondye i fer tou pour byennet tou bann ki kontan li, pour tou sa bann ki i'n swazir dapre son plan.

2 Korentyen 4:15

Tou sa ki nou pe andire se pour zot. Konmsa, lagras Bondye i tous plis dimoun, e en pli gran nonm dimoun ava rann gras Bondye dan lapriyer.