Danyel 2:26 - Labib An Kreol Seselwa

²⁶ Lerwa ti dir avek Danyel, ki ti apel Beltasar, “Eski ou kapab dir mwan mon rev avek son lenterpretasyon?”

Danyel 2:26 ပူးပေါင်းရင်းမြစ်များ

Zenez 41:15

Faraon ti dir Zozef, “Mon'n ganny en rev, e napa personn pour enterpret mon rev. Mon'n antann dir ki ou kapab enterpret rev.”

Danyel 1:7

Sef zofisye dan pale ti donn zot diferan non. I ti apel Danyel, Beltasar; Hananya, Sadrak; Misael, Mesak; e Azarya, Abed-Nego.

Danyel 4:8

Dernyen pour vin kot mwan, Danyel, ki ti osi apel Beltasar, dapre non mon bondye. I ti annan dan li, lespri bann bondye sen. Mon ti rakont li mon rev:

Danyel 5:12

akoz dan sa letan, Danyel, ki ti osi apel Beltasar, ti annan en lespri ekstraordiner. I ti annan abilite ek konnesans pour enterpret bann rev, desifre bann kestyon konplike e trouv solisyon bann problenm. Aprezan, fer apel Danyel e i ava donn lenterpretasyon.

Danyel 5:16

Me, mon'n aprann ki ou kapab donn lenterpretasyon e rezoud bann problenm difisil. Aprezan, si ou kapab lir sa lekritir e donn mwan son lenterpretasyon, ou ava ganny abiye dan en rob rouz, ou ava ganny en kolye annor otour ou likou e ou ava okip trwazyenm plas dan gouvernman mon rwayonm.”

Danyel 7:1

Pandan premye lannen renny Baltazar, lerwa Babilonn, Danyel ti ganny en rev. I ti war en vizyon pandan ki i ti pe dormi lo son lili. I ti ekri sa rev. La sa ki i ti ekri:

1 Samyel 17:33

Sail ti dir David, “Ou pa kapab al lager kont sa Filisten. Ou zis en zenn garson; li, i en solda depi son zenes.”