Danyel 2:23 - Labib An Kreol Seselwa

²³ Bondye mon bann zanset! Mon montre mon rekonesans e louanz anver ou, akoz ou'n donn mwan lasazes ek pwisans, e la, ou'n revel mwan sa ki nou'n demann ou; ou'n revel nou sa ki lerwa in ordonnen.

Danyel 2:23 ပူးပေါင်းရင်းမြစ်များ

Zenez 18:17

SENYER ti dir, “Eski mon pou kasyet avek Abrahanm sa ki mon pou fer,

Zenez 31:42

Si Bondye mon papa Abrahanm, ki osi Bondye Izaak, pa ti lo mon kote, sirman ou ti pou fer mwan al lanmen vid. Bondye in war mon soufrans e travay ki mon'n fer. Yer swar in rann zizman dan mon faver.”

1 Rwa 18:36

Kan ti ler pour ofer sakrifis, profet Eli ti avanse. I ti dir, “SENYER, Bondye Abrahanm, Izaak e Izrael! Tou dimoun ava konnen ozordi, ki se ou Bondye dan Izrael; ki mwan ou serviter e ki tou sa ki mon'n fer, se lo ou parol.

1 Rwa 8:57

SENYER Bondye i avek nou parey in avek nou bann zanset; i pa pou zanmen kit nou ni abandonn nou.

1 Kronik 29:10

Alor, devan tou lasanble, David ti loue SENYER. I ti dir: SENYER nou loue ou, Bondye nou zanset Izrael, pour touzour!

1 Kronik 29:13

Aprezan, nou Bondye, nou remersye ou e nou rann glwar ou gran non.

2 Kronik 20:6

I ti dir: SENYER, Bondye nou zanset! Ou menm Bondye ki dan lesyel, ou menm ki gouvern tou rwayonm bann nasyon; ou menm ki posed lafors ek pwisans e personn pa kapab opoz ou.

Psonm 21:2

Ou'n satisfer dezir son leker; ou pa'n refiz li sa ki i ti demann ou.

Psonm 21:4

I ti demann ou lavi e ou'n donn li; en lavi ki dire pour lontan e touzour.

Psonm 25:14

SENYER i konfye son bann sekre avek sa enn ki obei li. I ava fer li konn son lalyans.

Psonm 50:14

Ofer Bondye en sakrifis remersiman e gard tou ou bann promes ki ou'n fer anver Bondye Treo.

Egzod 3:15

Bondye ti dir ankor avek Moiz: Ou ava dir bann Izraelit: SENYER, Bondye zot zanset Bondye Abrahanm, Bondye Izaak e Bondye Zakob ki'n anvoy mwan kot zot. Sa i ava mon non pour touzour, mon non ki bann zenerasyon fitir ava envoke.

Proverb 21:22

Sa enn ki saz, i atak en lavil fortifye; i kraz fortifikasyon kot zot ti'n met zot konfyans.

Proverb 24:5

En zonm saz i annan bokou lafors. Sa enn ki annan konnesans i pli for.

Proverb 8:14

Mon donn bon konsey ek bon rezonnman. Mon annan bon rezonnman, mon annan lafors.

Eklezyas 7:19

Lasazes i rann en saz pli for ki dis gouverner dan en lavil.

Eklezyas 9:16

Alor, mon dir dan mwan menm, lasazes i preferab ki lafors. Pourtan, lasazes en pov i ganny meprize e son parol pa ganny ekoute.

Eklezyas 9:18

Plito lasazes ki bann masin lager, me en sel maladrwat i deranz tou dibyen ki i'n fer.

Ezai 12:1

Sa zour, ou pou dir: Mon loue ou, SENYER! Menm si ou ti ankoler avek mwan. Ou ti ankoler avek mwan, me aprezan, ou lakoler in tonbe e ou konsol mwan.

Zeremi 33:3

Apel mwan e mon ava reponn ou; mon pou montre ou bann gran sekre ki ou pa konnen.

Danyel 1:17

An sa ki konsern literatir ek lasazes, Bondye ti donn sa kat zennzan, disernman ek konnesans. Danyel ti osi kapab enterpret bann vizyon ek bann rev.

Danyel 2:18

I ti demann zot pour rod konpasyon Bondye lesyel, konsernan sa rev mister, pour ki zot pa fer disparet Danyel ek son bann zanmi, ansanm avek leres bann saz dan Babilonn.

Amos 3:7

Annefe, Senyer BONDYE pa fer nanryen, san revel son plan avek son bann serviter, bann profet!

Matye 11:25

Dan sa letan, Zezi ti dir: Mon remersye ou, Papa, Senyer lesyel ek later. Ou'n kasyet tou sa bann keksoz avek bann dimoun saz e entelizan, me ou'n revel zot avek bann zanfan.

Levanzil dapre Lik 10:21

Dan sa menm moman, Lespri Sen ti ranpli Zezi avek lazwa. I ti dir, “Mon Papa, Senyer lesyel ek later! Mon remersye ou akoz ou'n kasyet sa bann keksoz avek bann saz ek bann entelizan, me ou'n revel zot avek bann pti zanfan. Wi, Papa, sanmenm sa ki fer ou plezir.

Levanzil dapre Zan 11:41

Alor, zot ti tir sa ros. Zezi ti lev lizye ver lesyel. I ti dir: Papa! Mon dir ou mersi pour ekout mwan.

Levanzil dapre Zan 15:15

Mon nepli apel zot serviter, akoz en serviter pa konnen sa ki son met i fer. Me mon apel zot zanmi, akoz mon'n dir zot tou sa ki mon Papa i'n dir mwan.

Revelasyon 1:1

Sa liv i Revelasyon Zezi-Kri ki Bondye ti donn li pour li montre son bann serviter sa ki devre arive byento. Kris in anvoy son lanz kot son serviter Zan, pour fer li konnen.

Revelasyon 5:5

Alor, enn parmi bann ansyen ti dir mwan: Pa plere! La Lyon Tribi Zida, desandan David. In ganny laviktwar pour kas sa set sele e ouver sa liv.