Danyel 2:21 - Labib An Kreol Seselwa

²¹ I sanz letan ek sezon, i ranvers en lerwa e etablir en lot lerwa; i donn lasazes bann saz e konnesans bann ki annan disernman.

Danyel 2:21 ပူးပေါင်းရင်းမြစ်များ

1 Rwa 10:24

Tou dimoun ti anvi ganny konsey Salomon pour ekout lasazes ki Bondye ti'n donn li.

1 Rwa 3:28

Pep Izrael antye ti antann sa zizman ki lerwa ti'n donnen; zot ti ranpli avek respe pour li. Zot ti rekonnet ki annefe, Bondye in donn li lasazes pour rann lazistis.

1 Rwa 4:29

Bondye ti donn Salomon gran lasazes ek lentelizans, ek en grander lespri larz koman disab dan bor lanmer.

1 Kronik 22:12

SENYER ava donn ou disernman ek lentelizans; i ava etabli ou renny byen ferm lo Izrael, pour ki ou gard lalwa SENYER, ou Bondye.

1 Kronik 29:30

Sa bann liv i rakont son renny, son lafors ek bann levennman ki ti arive dan son lepok, dan Izrael oubyen dan lezot rwayonm, dan lezot pei.

Ester 1:13

Lerwa ti konsilte son bann saz ki ti konn byen lalwa. Annefe, bann zafer rwayal, ti touzour ganny regle avek led bann dimoun ki konn lalwa ek bann koutim.

Liv Zob 12:18

I detronn bann lerwa e i fer zot vin koman lesklav.

Egzod 31:3

Mon'n ranpli li avek lespri Bondye, pour li ganny lasazes, disernman ek konnesans dan tou kalite travay.

Egzod 31:6

Mon'n swazir Oholiab, garson Ahisamak, sorti dan tribi Dann, koman son asistan. Mon'n donn abilite ek talan bokou bann artizan, pour zot kapab fer tou sa ki mon'n ordonn ou:

Danyel 1:17

An sa ki konsern literatir ek lasazes, Bondye ti donn sa kat zennzan, disernman ek konnesans. Danyel ti osi kapab enterpret bann vizyon ek bann rev.

Danyel 10:1

Dan trwazyenm lannen Siris, lerwa Lapers, en mesaz ti ganny revele avek Danyel, ki zot ti osi apel Beltasar. Sa mesaz ti vre! Pou annan en gran konba. Danyel ti resevwar sa mesaz e i ti konpran sa vizyon.

Danyel 11:6

Apre detrwa lannen, zot pou etabli en lalyans: Fiy lerwa Sid pou marye avek lerwa Nor, pour etabli sa lakor. Me i pa pou gard son pouvwar e son mari pa pou viv, ni son garson. I pou ganny touye avek son papa ek son mari, ansanm avek son lantouraz.

Danyel 2:20

I ti dir: Beni non Bondye pour touzour e touzour, akoz lasazes ek pwisans i pour li.

Danyel 2:23

Bondye mon bann zanset! Mon montre mon rekonesans e louanz anver ou, akoz ou'n donn mwan lasazes ek pwisans, e la, ou'n revel mwan sa ki nou'n demann ou; ou'n revel nou sa ki lerwa in ordonnen.

Danyel 2:9

Si zot pa fer mwan konn mon rev, pou annan en sel santans pour zot tou. Zot in deside pour zot dir mwan bann mansonz ek bann fo zistwar ziska ki keksoz i sanze. Alor, dir mwan mon rev, e mon ava konnen ki zot kapab donn mwan son lenterpretasyon.”

Danyel 4:14

I ti kriy byen for: Koup sa pye dibwa e koup son bann brans, deplim tou son bann fey e fann son bann fri partou. Sas bann zannimo anba li. Fer fannen bann zwazo lo son bann brans.

Danyel 4:17

Sa i desizyon bann lanz, rezolisyon bann sen, pour ki tou bann et vivan i konnen ki Bondye Toupwisan i met tou bann rwayonm imen. I donn larwayote avek sa ki i anvi, e i elev an dernyen parmi bann imen.

Danyel 4:22

Sa pye dibwa se ou, Mazeste, ki'n vin gran e pwisan. Ou pouvwar in ariv ziska lesyel, e ou lotorite ziska dan bout later.

Danyel 4:32

Ou pou ganny sase parmi bann imen; ou pou al viv parmi bann zannimo sovaz. Ou pou manz zerb parey bef, pandan set an, ziska ki ou rekonnet ki Bondye Toupwisan i annan pouvwar lo tou rwayonm imen, ki i donn sa ki i anvi.

Danyel 7:25

I pou koz kont Bondye Toupwisan. I pou fer soufer bann sen ki pour Bondye Toupwisan, I pou esey sanz bann zour lafet ek lalwa. Bann sen pou ganny livre dan son lanmen pandan en lannen, de lannen, e lanmwatye en lannen.

Levanzil dapre Lik 21:15

Annefe, se mwan ki pou donn zot parol ek lasazes, ki personn parmi zot lennmi pa pou kapab argimante, ni kontredir.

Romen 13:1

Tou dimoun i devre soumet li anba bann lotorite ki'n ganny etabli. Annefe, napa lotorite ki pa sorti kot Bondye, e bann lotorite ki egziste in ganny etabli par li.

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

Let Zak 1:17

Tou don ekselan, tou kado parfe i sorti lao kot Bondye, Papa tou lalimyer ki pa zanmen sanze. Kot li napa menm lonbraz en sanzman.

Let Zak 1:5

Si parmi zot i annan enn ki mank lasazes, ki i demande e Bondye ava donn li. Annefe, Bondye i donn tou dimoun zenerezman san fer okenn repros.

Revelasyon 19:16

Lo son rob e lo son kwis, en non in ganny enskri: Lerwa tou bann lerwa, Senyer tou bann senyer.