Danyel 2:20 - Labib An Kreol Seselwa

²⁰ I ti dir: Beni non Bondye pour touzour e touzour, akoz lasazes ek pwisans i pour li.

Danyel 2:20 ပူးပေါင်းရင်းမြစ်များ

Zenez 14:20

Loue Bondye Treo, ki'n livre ou lennmi dan ou lanmen! Abranm ti donn Melkisedek en dizyenm lo tou sa ki i ti'n pran.

1 Rwa 8:56

SENYER ki'n donn repo Izrael, son pep, dapre son promes i ganny beni. In realiz tou parol son promes ki i ti'n fer par lentermedyer Moiz son serviter.

1 Kronik 29:20

David ti dir avek lasanble antye: Loue SENYER zot Bondye. Alor, tou lasanble ti loue SENYER, Bondye zot zanset. Zot ti bese e prostern devan SENYER e devan lerwa.

2 Kronik 20:21

Apre, i ti pran konsey avek lepep. I ti swazir bann ki ti pou sante e loue SENYER. Zot ti met rob pour sa lokazyon e zot ti mars devan larme. Zot ti sante: Selebre SENYER, akoz son fidelite i pour touzour!

Nehemi 9:5

Bann levit Zozye, Kadmyel, Hasabneya, Serebya, Odiya, Sebanya, ek Petahya, ti dir: Leve, remersye SENYER, zot Bondye! Remersye li depi touzour e pour touzour! Ou non glorye ki depas tou benediksyon e tou louanz i ganny beni!

Liv Zob 12:13

Me lasazes ek lapwisans i kot Bondye. Bondye ki posed disernman; tou son bann plan i bon.

Psonm 113:1

Loue SENYER! Serviter SENYER loue! Loue non SENYER!

Psonm 113:2

Loue non SENYER aprezan e pour touzour!

Psonm 115:18

Me nou, nou loue SENYER aprezan e pour touzour. Loue SENYER!

Psonm 147:5

Nou SENYER i gran e son pouvwar i gran; son lentelizans napa limit.

Psonm 41:13

Loue SENYER, Bondye Izrael pour touzour! Amenn! Amenn!

Psonm 50:23

Sa enn ki anmenn mwan son lofrann, i onor mwan. Sa enn ki mars dan bon semen, mon pou fer li war delivrans Bondye.

Psonm 62:11

Bondye in dir e mon'n antann repete: Zis Bondye tousel ki posed lapwisans.

Proverb 8:14

Mon donn bon konsey ek bon rezonnman. Mon annan bon rezonnman, mon annan lafors.

Zeremi 32:19

Ou bann proze i gran; ou realiz zot avek pwisans. Ou port bokou latansyon lo tou sa ki dimoun i fer; ou tret sakenn zot dapre son kondwit e dapre fri son bann aksyon.

Ezekyel 28:3

Ou krwar ki ou pli saz ki Danyel, ki ou konpran tou sekre.

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Let Zid 1:24

Pour sa enn ki anpes zot tonbe; ki kapab fer zot konparet san fot e dan lazwa devan son prezans glorye;

Revelasyon 5:12

Zot ti sante avek en lavwa byen for: Zenn Mouton ki'n ganny egorze, i diny pour resevwar pwisans, larises, lasazes, lafors, loner, laglwar ek louanz.