Danyel 2:18 - Labib An Kreol Seselwa

¹⁸ I ti demann zot pour rod konpasyon Bondye lesyel, konsernan sa rev mister, pour ki zot pa fer disparet Danyel ek son bann zanmi, ansanm avek leres bann saz dan Babilonn.

Danyel 2:18 ပူးပေါင်းရင်းမြစ်များ

Zenez 18:28

Sipoze napa 50, i mank senk pour fer 50. Eski ou pou detri lavil antye akoz sa senk ki manke?” SENYER ti reponn, “Mon pa pou detri lavil si mon trouv 45 zis.”

Psonm 136:26

Loue Bondye ki dan lesyel, akoz son fidelite i dire pour touzour.

Psonm 50:15

Apel mwan zour ou dan maler; mon ava delivre ou e ou ava sant mon laglwar.

Psonm 91:15

Kan i ava kriy ver mwan, mon pou reponn li. Dan son maler, mon pou la avek li; mon pou sov li e fer li loner.

Ezai 37:4

Petet SENYER ou Bondye in antann bann parol Ed de kan ki son met, lerwa Asiri, in anvoye pour ensilte Bondye vivan; petet ki i ava pini li pour sa bann parol ki SENYER ou Bondye in tande. Alor, priy pour restan pep ki ankor vivan.

Zeremi 33:3

Apel mwan e mon ava reponn ou; mon pou montre ou bann gran sekre ki ou pa konnen.

Ezekyel 36:37

La sa ki Senyer BONDYE i deklare: La sa ki mon pou fer: Mon pou les pep Izrael vin rod ankor mon led, pour mwan azir dan zot faver; mon pou ogmant zot popilasyon e fer li vin nonbre parey mouton dan en troupo.

Danyel 2:23

Bondye mon bann zanset! Mon montre mon rekonesans e louanz anver ou, akoz ou'n donn mwan lasazes ek pwisans, e la, ou'n revel mwan sa ki nou'n demann ou; ou'n revel nou sa ki lerwa in ordonnen.

Danyel 3:17

Mazeste! Nou Bondye ki nou servi, i kapab sov nou dan sa fourno laflanm dife, e dan ou lanmen.

Danyel 4:26

Lord pour gard tron avek son rasin, savedir ki ou rwayonm pou kontinyen pour ou, ziska ki ou aksepte ki Bondye lesyel i met tou.

Zonas 1:9

I ti dir zot, “Mon en Ebre e mon ador SENYER, Bondye lesyel ki'n kree lanmer ek later.”

Malasi 3:18

Ankor en fwa, zot ava war diferans ant sa enn ki zis ek en malfeter, ant sa enn ki servi Bondye ek sa enn ki pa servi li.

Matye 18:12

Ki zot mazinen? Si en dimoun i annan 100 mouton e i perdi enn, pa i pou kit sa 99 mouton lo montanny, pour al rod sa enn ki'n perdi?

Matye 18:19

Mon dir zot ankor: Si de parmi zot lo later i tonm dakor ansanm pour priy pour nenport kwa, mon Papa ki dan lesyel ava akord zot sa ki zot demande.

Akt de Zapot 12:4

Donk, kan Pyer ti'n ganny arete, Herod ti fer met li dan prizon. I ti donn lord pour ki kat group solda i vey li. I ti annan lide fer ziz li an piblik apre Pak.

Romen 15:30

Mon demann zot, frer ek ser, par nou Senyer Zezi-Kri e par lanmour Lespri Sen: Konbat ansanm avek mwan an adresan lapriyer ver Bondye pour mwan.

2 Pyer 2:9

Sa i montre ki Senyer i konnen ki mannyer i pou delivre dimoun ki atase avek li kan zot dan difikilte, e gard bann malfeter pour pinisyon zour zizman.

1 Samyel 17:37

David ti dir ankor, “SENYER ki'n delivre mwan dan grif lyon ek grif lours, pou delivre mwan osi dan lanmen sa Filisten.” Sail ti dir David, “Ale! Mon swete ki SENYER ava avek ou!”