Danyel 12:6 - Labib An Kreol Seselwa

⁶ Enn ant zot ti dir avek sa zonm dan lenz linenn, ki ti par lao larivyer, “Konbyen letan ankor pour lafen sa bann keksoz ekstraordiner arive?”

Danyel 12:6 ပူးပေါင်းရင်းမြစ်များ

Psonm 74:9

Nou nepli war ou prezans. Nou nepli annan okenn profet. Personn parmi nou pa konnen ziska kan sa sityasyon pou dire.

Ezekyel 9:2

Alor, sis zonm ti arive par laport siperyer ki vir lo kote Nor. Sakenn ti annan son zarm pour masakre dan son lanmen. Parmi zot, ti annan en zonm abiye dan lenz linenn ki ti annan son lekipman pour ekri dan son kote. Zot ti antre e debout akote lotel an bronz.

Danyel 12:5

Apre, mwan, Danyel, mon ti war de lezot zonm ki ti pe debout lo bor larivyer; enn ti lo en kote e lot, ti lo lot kote.

Danyel 12:8

Mon ti tande, me mon pa ti kapab konpran. Alor mon ti dir, “Mon senyer, ki mannyer tousala pou fini?”

Danyel 8:13

Apre, mon ti antann en lanz koze. En dezyenm lanz ti dir avek sa enn ki ti pe koze, “Ziska kan sa vizyon lo sakrifis tou le zour e lo transgresyon pou kontinyen? Ziska kan sanktyer ek larme lesyel pou ganny kraze anba lipye?”

Danyel 8:16

Mon ti antann en lavwa imen sorti dan larivyer Oulai. I ti kriye: Gabriyel, eksplik li sa vizyon.

Matye 24:3

Zezi ti pe asize lo montanny Zolivye. Son bann disip ti vin kot li an prive e demann li, “Dir nou kan tousala pou arive; ki siny pou endik ou retour ek lafen lemonn?”

Mark 13:4

Zot ti demann li, “Dir nou: Kan sa pou arive, e lekel bann siny ki pou endik lafen tou keksoz.”

Efezyen 3:10

Konmsa, gras a Legliz, bann lanz, bann lotorite ek pwisans dan lesyel ava kapab konn lasazes Bondye dan son diferan form.

1 Pyer 1:12

Zot ti ganny revele ki sa mesaz pa ti pour zot menm bann profet, me pour zot. Aprezan, zot in resevwar sa mesaz par bann predikater Bonn Nouvel. Zot in anons sa Bonn Nouvel par pwisans Lespri Sen sorti dan lesyel, ki menm bann lanz ti ava byen kontan konnen.

Revelasyon 15:6

Sa set lanz ki ti pe tenir sa set fleo ti sorti dan Tanp. Zot ti'n abiye dan rob linenn blan klate, avek sentir annor otour zot leren.

Revelasyon 19:14

Bann larme lesyel, abiye dan linenn blan e pir, ti swiv li lo bann seval blan.

Revelasyon 6:10

Zot ti kriye avek en lavwa for: Ziska kan, Senyer sen e vre, ki ou pou tarde ziz e vanz nou disan lo bann zabitan later?