Danyel 12:3 - Labib An Kreol Seselwa

³ Bann ki annan disernman, pou briye parey lalimyer dan lesyel; bann ki'n diriz lepep ver lazistis, pou briye parey bann zetwal pour touzour e touzour.

Danyel 12:3 ပူးပေါင်းရင်းမြစ်များ

Egzod 34:35

bann Izraelit ti war figir Moiz ki ti pe briye. Moiz ti remet sa vwal lo son figir ziska ki i ti retourn koz avek SENYER.

Proverb 11:30

Fri en dimoun ki zis, i parey en pye dibwa ki donn lavi; me vyolans i fini par pran lavi.

Proverb 3:35

Sa enn ki saz ava erit loner, sa enn ki bet ava erit laont.

Proverb 4:18

Me semen sa enn ki zis i parey lalimyer granmaten ki vin deplizanpli for ziska midi.

Eklezyas 12:9

Fodre osi azoute: En saz, anplis son lasazes, Eklezyas in osi ansenny konnesans. In peze, egzamin a fon e met annord bokou proverb.

Ezai 53:11

Akoz lasoufrans ki i'n siporte, i ava war lalimyer e i ava ganny rekonpanse. Mon serviter, sa enn ki zis, ava anmenn lazistis pour en lafoul dimoun; i ava pran lo li zot bann pese.

Zeremi 23:22

Si zot ti konn sa ki mon mazinen dan sekre, zot ti ava'n proklanm mon mesaz avek mon pep. Konmsa, zot ti ava'n kapab fer lepep sanz son mannyer viv, e son move mannyer fer.

Danyel 11:33

Bann parmi lepep ki annan disernman, pou enstri bokou dimoun. Me pandan en pe letan, i annan ki pou tonbe: Serten pou mor par lepe, serten pou ganny brile dan laflanm, serten pou soufer dan prizon e zot byen pou ganny konfiske.

Danyel 11:35

Parmi bann ki annan disernman, i annan ki pou tonbe, pour ki zot ganny netwaye, pirifye e lave ziska letan lafen, akoz sa pou ariv dan en letan ki'n ganny fikse.

Danyel 12:10

Bokou pou ganny pirifye, lave e netwaye; me bann malfeter pou kontinyen persiste dan sa ki mal. Okenn bann malfeter pa pou konpran, me sa enn ki annan disernman ava konpran.

Matye 13:43

Alor, sa bann ki obei Bondye, pou briye parey soley dan Rwayonm zot Papa. Sa ki annan zorey, ekoute!”

Matye 19:28

Zezi ti dir zot, “Mon dir zot, sa i laverite: Kan Fis-de-Lonm pou asiz lo son tronn mazeste, dan lemonn nouvo, zot ki'n swiv mwan, zot pou osi asiz lo 12 tronn pour ziz sa douz tribi Izrael.

Matye 24:45

“Alor, lekel sa serviter fidel e saz, ki son met in kit ansarz bann domestik, pour nouri zot kan fodre?

Levanzil dapre Zan 4:36

Sa enn ki rekolte i resevwar son lapey. I pe ranmas bann lagrenn pour lavi eternel. Dan sa fason, sa enn ki senmen e sa enn ki rekolte, zot ansanm dan lazwa.

Levanzil dapre Zan 5:35

Zan ti parey en lalanp ki ganny alimen pour li eklere. Zot ti kontan pour viv dan son lalimyer pandan en serten letan.

Akt de Zapot 13:1

Dan Legliz Antyos, ti annan bann profet ek bann ansennyan: Barnabas, Simeon, ki zot ti apel Nizer, Lisiis ki sorti Sirenn, Manaen ki ti'n grandi avek gouverner Herod, ek Sol.

1 Korentyen 3:10

Dapre don ki Bondye in donn mwan, mon'n poz en fondasyon parey en bon arsitek; me en lot pe konstri lo la. Sepandan, sakenn i devre fer atansyon ki mannyer i konstri.

Efezyen 4:11

Li menm ki'n etabli serten koman zapot, ouswa koman profet; serten pour anons Bonn Nouvel, serten koman paster, oubyen serten koman ansennyan.

Ebre 5:12

Depi tou sa letan, zot ti'n devre vin bann profeser. Me zot ankor bezwen ganny ansennyen bann prensip elemanter lo mesaz Bondye. Zot ankor pe bezwen dile olye nouritir solid.

2 Pyer 3:15

Konsider pasyans nou Senyer koman en mwayen pour sov nou, parey nou frer Pol in ekri zot avek lasazes ki Bondye in donn li.

Revelasyon 1:20

Pour sa ki konsern mister sa set zetwal ki ou'n war dan mon lanmen drwat, e sa set portlanp annor, la zot sinifikasyon: Sa set zetwal i bann lanz sa set Legliz; sa set portlanp, i sa set Legliz.

Ziz 5:31

SENYER! Fer ou bann lennmi disparet parey. Fer ou bann zanmi vin parey soley ler i leve dan tou son pwisans. E pei ti dan lape pandan 40 an.