Danyel 12:1 - Labib An Kreol Seselwa

¹ Dan sa letan, sa gran sef, Mikael, sa enn ki defann ou pep, pou leve. Sa letan pou en letan langwas, ki pa'n zanmen arive depi ki bann nasyon i egziste. Dan sa letan, ou pep pou ganny eparnyen; sa enn ki son non in ganny ekri dan liv, pou ganny eparnyen.

Danyel 12:1 ပူးပေါင်းရင်းမြစ်များ

Psonm 56:8

Ou konnen kantite fwa ki mon ti oblize sove. Ou konnen ki kantite larm mon'n verse. Tousala in ekri dan ou gran liv.

Psonm 69:28

Efas zot non dan liv lavi! Pa kont zot parmi bann zis!

Ezai 4:3

Alor, sa ki'n reste Siyon, bann sirvivan dan Zerizalenm pou ganny apele sen. Tou sa bann ki zot non i'n ganny anrezistre pou kapab viv dan Zerizalenm.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Zeremi 30:10

Zakob mon serviter! Pa bezwen per! SENYER i deklare. Izrael! Pa bezwen perdi kouraz! Mon pou vin sov ou, lwen depi kot ou ete, e ou desandans dan pei kot i an kaptivite. Zakob pou retournen; i pou viv trankil e dan lape; i pou an sekirite e personn pa pou vin fer li per.

Zeremi 30:7

Maler! En zour terib pe vini; en zour ki ou pa kapab konpare. I en letan detres pour Zakob! Me i pou ganny delivre.

Ezekyel 13:9

Mon pou montre mon pwisans kont sa bann profet ki envant vizyon e fer prediksyon bann mansonz. Pa pou annan plas pour zot dan lasanble mon pep; zot pa pou form parti pep Izrael; zot pa pou ni antre lo later Izrael. Konmsa, zot ava konnen ki mwan menm Senyer BONDYE.

Ezekyel 34:24

Mwan SENYER, mon pou vin zot Bondye e mon serviter David pou vin sef parmi zot. Mwan SENYER ki deklare.

Ezekyel 5:9

Akoz ou bann aksyon degoutan ki ou'n komet, mon pou egzekit kont ou sa ki mon pa'n zanmen fer e ki mon pou zanmen fer.

Danyel 10:13

Sef rwayonm Lapers ti opoz mwan pandan 21 zour. Apre, Mikael, en sef parmi bann sef, ti vin sekour mwan. Alor, mon ti'n reste laba kot bann lerwa Lapers.

Danyel 10:21

Me, mon bezwen anons ou sa ki'n ganny ekri dan liv Laverite.” Napa personn pour ed mwan kont zot, eksepte Mikael, sef lanz.

Danyel 11:45

I pou enstal son bann latant rwayal ant lanmer ek sa zoli montanny, montanny sen. I pou trouv son lafen san ki personn i vin sekour li.

Danyel 7:10

En larivyer dife ti sorti e koule devan li. Plizyer milyon dimoun ti servi li, e plizyer milyar ti debout devan li. Bann ziz ti pran zot plas, e bann liv ti ganny ouver.

Danyel 9:12

Bondye in akonpli sa ki i ti dir kont nou e kont bann sef ki gouvern nou; i'n anvoy lo nou, dan Zerizalenm, sa pli gran maler ki pa'n zanmen deza arive anba lesyel.

Zoel 2:2

En zour fernwanr ek brouyar, en zour avek nyaz epe ki kouver montanny. En gran larme zensek, nonbre e for, ki nou pa'n zanmen war, pe vini. Zanmen en keksoz parey in deza arive, e i pa pou zanmen ariv ankor dan lavenir.

Malasi 3:16

Alor, bann ki ti annan respe anver SENYER ti koz ant zot. SENYER ti ekout zot e antann zot. I ti fer ekri dan en liv souvenir devan li, konsernan tou sa bann ki ti annan respe anver SENYER e onor li.

Matye 24:21

Annefe, sa pou en letan gran soufrans, pli terib ki'n deza arive depi konmansman lemonn ziska konmela, i ki pa pou zanmen ariv ankor.

Mark 13:19

Annefe, sa pou en letan gran soufrans, ki pa'n zanmen annan depi ki Bondye ti kree lemonn ziska konmela e ki pa pou zanmen ariv ankor.

Levanzil dapre Lik 10:20

Malgre sa, pa rezoui akoz bann lespri in soumet avek zot; me rezoui plito akoz zot non in ganny ekri dan lesyel.”

Romen 11:15

Annefe, kan zot ti'n ganny rezete, lemonn ti ganny rekonsilye avek Bondye. Ki pou arive alor, kan zot ava ganny aksepte a nouvo? Sa i ava en vre rezireksyon!

Romen 11:26

Konmsa ki pep Izrael antye pou ganny sove, parey Lekritir i deklare: Liberater pou sorti Siyon. I pou elimin revolt dan bann desandan Zakob.

Efezyen 1:21

La, Kris in ganny plase par lao tou pouvwar, lotorite, pwisans, dominasyon. In ganny plase par lao tou tit ki egziste pa selman dan lemonn aktyel, me osi dan lemonn lavenir.

Filipyen 4:3

E ou osi, mon fidel koleg travay, mon demann ou, ed sa bann fanm. Ansanm avek Kleman ek lezot koleg travay ki zot non in ekri dan liv lavi, zot in konbat avek mwan pour anons Bonn Nouvel.

Let Zid 1:9

Menm larkanz Mikael dan son diskisyon avek dyab konsernan lekor Moiz, pa ti oze kondann li. I ti zis dir: Senyer pou pini ou.

Revelasyon 1:5

e delapar Zezi-Kri, temwen fidel, premye ne parmi bann mor, sef parmi bann lerwa later. Zezi-Kri i kontan nou. Par son disan, i'n delivre nou avek tou nou bann pese.

Revelasyon 12:7

Alor, ti annan lager dan lesyel: Mikael avek son bann lanz ti lager kont dragon. Dragon avek son bann lanz ti osi lager kont li.

Revelasyon 13:8

Tou zabitan later, tou bann ki zot non pa'n ganny ekri depi konmansman lemonn, dan liv lavi Zenn Mouton ki'n ganny egorze, pou prostern devan li.

Revelasyon 17:14

Zot pou konbat kont Zenn Mouton; me Zenn Mouton ki pou ganny laviktwar lo zot, akoz i Senyer tou senyer e Lerwa tou lerwa. I pou ganny laviktwar ansanm avek bann ki'n ganny apele, ki'n ganny swazir e ki fidel.

Revelasyon 20:12

Mon ti war bann mor, gran koman pti, pe debout devan tronn, e bann liv ti'n ouver. Ti annan osi en lot liv ki ti'n ouver: Liv lavi. Bann mor ti ganny zize dapre sa ki zot ti'n fer, e dapre sa ki ti'n ganny ekri dan sa bann liv.

Revelasyon 20:15

Tou bann ki zot non pa ti ganny trouve ekri dan Liv lavi, ti ganny zete dan lak dife.

Revelasyon 3:5

Ensi, sa bann ki'n ganny laviktwar, pou abiy dan en lenz blan. Mon pa pou efas zot non dan liv lavi, me mon pou rekonnet zot devan mon Papa e devan son bann lanz.

Revelasyon 7:14

Mon ti reponn li, “Mon senyer! Ou ki konnen.” Alor, i ti dir mwan, “Zot sa bann ki'n pas atraver en gran soufrans. Zot in lav zot rob e blansi li dan disan Zenn Mouton.