Danyel 11:6 - Labib An Kreol Seselwa

⁶ Apre detrwa lannen, zot pou etabli en lalyans: Fiy lerwa Sid pou marye avek lerwa Nor, pour etabli sa lakor. Me i pa pou gard son pouvwar e son mari pa pou viv, ni son garson. I pou ganny touye avek son papa ek son mari, ansanm avek son lantouraz.

Danyel 11:6 ပူးပေါင်းရင်းမြစ်များ

Liv Zob 38:15

Alor, bann malfeter pa kapab kont lo fernwanr, e zot nepli kapab fer ditor personn.

Psonm 10:5

I touzour reisi dan tou sa ki i antreprann. Zizman Bondye pa afekte li. I kraz son bann lennmi.

Ezekyel 30:21

Ou ki en imen, ekoute! Mon'n kas lebra Faraon, lerwa Lezip. Personn pa'n met ni en pansman pour geri li e pour li kapab atrap en lepe.

Danyel 11:13

Lerwa Nor pou retournen avek en pli gran larme ki sa enn avan. Apre en pe letan, detrwa lannen, i pou mont ankor en latak avek en gran larme e avek bokou lekipman lager.

Danyel 11:15

Lerwa Nor pou vini e enstal miray latak kont en lavil fortifye ki i pou pran. Lafors larme lerwa Sid avek son larme elit, pa pou kapab reziste, akoz zot pa pou ase for pour tenir kont latak.

Danyel 11:40

Kan letan lafen pou arive, lerwa Sid pou atak li. Me, lerwa Nor pou atak li avek kales lager, bann kavalye e avek bokou bato. I pou penetre dan bokou pei e travers zot frontyer parey en lavalas.

Danyel 11:7

Enn parmi son desandans pou pran son plas. I pou monte avek en larme e penetre defans lerwa Nor. I pou atake e ganny laviktwar.

Zakari 11:16

Annefe, mon pe al swazir dan pei, en berze ki pa pran swen bann mouton ki pe mor, oubyen al rod sa enn ki'n perdi. I pa pou pran swen sa enn ki'n ganny blese, oubyen angres sa enn ki an bonn sante. Me, i pou devor sa bann ki byen gra e i pou fann zot sabo.