Danyel 11:45 - Labib An Kreol Seselwa

⁴⁵ I pou enstal son bann latant rwayal ant lanmer ek sa zoli montanny, montanny sen. I pou trouv son lafen san ki personn i vin sekour li.

Danyel 11:45 ပူးပေါင်းရင်းမြစ်များ

Psonm 48:2

Montanny Siyon, lavil gran lerwa dan Nor, i en lavil elegan. I fer lazwa lo later antye.

Ezai 10:12

Ler SENYER ava fini tou son travay lo Montanny Siyon e lo Zerizalenm, i pou pini lerwa Asiri pour son larogans ek son lorgey.

Ezai 11:9

Pou nepli annan nanryen ki fer dimal lo mon montanny sen; parey delo sale i ranpli losean, konnesans SENYER pou ranpli later.

Ezai 14:13

Ou ti dir dan ou leker: Mon pou mont dan lesyel; Mon pou met mon tronn par lao bann zetwal Bondye. Mon pou enstal mwan lo montanny lasanble Bondye.

Ezai 2:2

Dan lavenir, montanny kot tanp SENYER ti ete, pou vin pli o parmi tou bann montanny; i pou pli o ki bann kolin. Tou bann nasyon pou al ver li.

Ezai 27:13

Sa zour, en gran tronpet pou ganny soufle. Alor, sa bann ki ti'n perdi dan pei Asiri e sa bann ki ti ganny anvoye annegzil Lezip pou retournen e ador SENYER lo montanny sen dan Zerizalenm.

Ezai 65:25

Loulou ek mouton pou manz ansanm; lyon pou manz zerb parey bef; me serpan pou manz lapousyer! Pou napa okenn mal, ni destriksyon partou lo mon montanny sakre, SENYER ki deklare.

Ezai 66:20

La sa ki SENYER i deklare: Zot pou retournen e anmenn avek zot, tou zot frer ki sorti parmi sa bann nasyon, koman en lofrann pour SENYER, lo seval, dan bann kales e lo treno, lo bourik e lo samo. Zot pou vin Zerizalenm, lo mon montanny sakre, parey bann Izraelit i anmenn lofrann vezetal dan en bol pirifye kot tanp SENYER.

Ezekyel 39:2

Mon pou vir ou e fer ou fer demi tour; ou pou sorti dan lekstrenm Nor pour ou al atak bann montanny Izrael.

Danyel 11:16

Sa enn ki pou vin kont li pou fer sa ki fer li plezir; personn pa pou kapab opoz li. I pou enstal li dan sa pli zoli pei e i pou masakre tou sa ki dan son semen.

Danyel 11:41

I pou antre dan sa pli zoli pei; i pou fer bokou viktim. Me Edonm, Moab ek bann sef Amonit pou reisi sape.

Danyel 11:44

Me rapor sorti dan Les, dan Nor, pou fer li per; i pou sorti dan en gran lakoler pour li detri e ekstermin bokou dimoun.

Danyel 2:35

Alor, fer, later, bronz, larzan ek lor, ti ganny kraze e vin lapousyer. Zot ti anvole parey lapay, ler ou bat dible. Divan ti balye zot san kit okenn latras. Me sa ros ki ti tap sa stati ti vin en gran montanny ki ti ranpli later antye.

Danyel 7:26

Apre sa, pou ariv ler zizman. I pou ganny arase son pouvwar. I pou ganny konpletman detri e i pou disparet.

Danyel 8:25

Par riz, i pou reisi tronp bokou. Leker ranpli avek larogans, i pou touy bokou dimoun ki ti krwar zot an sekirite. I pou dres li kont lerwa tou bann lerwa. Me i pou ganny detri, san okenn lentervansyon imen.

Danyel 9:16

Senyer, dan ou lazistis, mon sipliy ou, detourn ou lakoler kont ou lavil, Zerizalenm, ou montanny sakre. Akoz nou bann pese ek bann fot nou zanset, Zerizalenm ek ou pep i ganny ensilte par tou nou bann vwazen otour nou.

Danyel 9:20

Mon ti ankor pe koze, mon ti pe priye pour demann pardon mon pese ek pese mon pep, Izrael, e prezant mon siplikasyon devan SENYER, mon Bondye an faver montanny sakre mon Bondye.

Zoel 2:20

Mon pou sas bann sotrel ki sorti dan Nor; mon pou sas zot lwen dan en later sek e devaste. Mon pou anvoy son avangard, dan lanmer Mor, e sa ki deryer zot, dan lanmer Mediterane. Piyanter kadav bann gerye pou monte. SENYER in akonpli bann gran mervey.

Mise 4:2

Plizyer nasyon pou vin la. Zot pou dir: Vini! Annou mont ver montanny SENYER, ver tanp Bondye Zakob. I ava fer nou konn son semen.

Zakari 14:8

Sa zour, delo pir pou sorti dan Zerizalenm; lanmwatye pou koul lo kote Les, lot lanmwatye pou koul lo kote Was. Sa pou kontinyen pandan lete koman liver.

Nonm 34:5

Kitan Asmonn, i ava kontinyen ziska frontyer Lezip e fini dan lanmer Mediterane.

2 Tesalonisyen 2:4

Li menm sa lennmi ki pou kont tou sa ki zonm i adore, e ki'n ganny konsakre pour Bondye. I pou menm enstal li dan Tanp Bondye e fer li pas pour Bondye.

2 Tesalonisyen 2:8

Alor, sa pwisans move pou aparet. Senyer Zezi pou touy li par souf sorti dan son labous. I pou detri li par manifestasyon son retour.

Revelasyon 13:10

Sa enn ki devre vin prizonnyen, pou al dan prizon. Sa enn ki devre ganny touye avek lepe, pou ganny touye avek lepe. Pour sa rezon ki pep Bondye i devre annan pasyans e proklanm son lafwa.

Revelasyon 20:2

I ti sezi sa dragon, sa serpan lantikite, setadir dyab oubyen Satan. I ti ansenn li pour 1,000 an.

Revelasyon 20:9

Zot larme ti al lo later antye. Zot ti anserkle kan pep Bondye ek lavil byenneme. Me dife ti desann sorti dan lesyel e detri zot tou.